இலங்கை ரயில்வே பொறியியலாளர்கள் சங்கம் மேற்கொண்டு வரும் பணிப்புறக்கணிப்பு காரணமாக இன்று காலை 35 ரயில்கள் ரத்து செய்யப்பட்டுள்ளன.
ரத்து செய்யப்பட்ட போதிலும், இன்று காலை 41 ரயில்கள் இயக்கப்பட்டன. இரயில்வே திணைக்களத்தின் மூத்த அதிகாரியின் கூற்றுப்படி, ஜூன் 7 மற்றும் 8 ஆகிய தேதிகளில் இரவு முழுவதும் அஞ்சல் ரயில்கள் இயங்குவதை உறுதிசெய்ய நடவடிக்கை எடுக்கப்பட்டுள்ளது, இன்று இரவு அஞ்சல் சேவைகளை தொடர்ந்து இயக்க திட்டமிடப்பட்டுள்ளது.
ரயில் இன்ஜின் சாரதிகளின் பதவி உயர்வு தொடர்பான பிரச்சினைகள், ஆட்சேர்ப்பில் தாமதம் உள்ளிட்ட பல்வேறு கோரிக்கைகளை முன்வைத்து இந்த பணிப்புறக்கணிப்பு முன்னெடுக்கப்பட்டுள்ளது.
