எதிர்வரும் ஜனாதிபதித் தேர்தலில் பல பினாமி வேட்பாளர்கள் போட்டியிடவுள்ளதாக முன்னாள் தேர்தல்கள் ஆணையாளர் மஹிந்த தேசப்பிரிய தெரிவித்துள்ளார்.
புதிய விதிமுறைகள் அல்லது அளவுகோல்களின் மூலமே இந்த முறையை மாற்ற முடியும் என மஹிந்த தேசப்பிரிய மேலும் தெரிவித்துள்ளார்.
உள்ளூராட்சி மன்றத் தேர்தலில் இளைஞர்களுக்கு வழங்கப்படும் ஒதுக்கீடு மாகாணசபை மற்றும் பொதுத் தேர்தல் வரை நீடிக்கப்பட வேண்டும் என அவர் வலியுறுத்தியுள்ளார்.
சர்வதேச இளைஞர் தினத்தை முன்னிட்டு இளைஞர்கள் குழுவுடன் இணைந்து விழிப்புணர்வு நிகழ்ச்சி ஒன்றில் கலந்து கொண்டு கருத்து தெரிவிக்கும் போதே முன்னாள் தேர்தல் ஆணையாளர் மேற்கண்டவாறு தெரிவித்தார்.
இளைஞர்களை தேர்தலில் வாக்களிக்குமாறு வலியுறுத்தி துண்டுப் பிரசுரங்கள் விநியோகிக்கும் நிகழ்வில் மஹிந்த தேசப்பிரிய நேற்று கோட்டை புகையிரத நிலையத்தில் ஈடுபட்டார். (நியூஸ்வயர்)
