கடவத்தை மகாமாயா பாலிகா வித்தியாலய மாணவர் பாராளுமன்றத்தின் ஆரம்ப அமர்வு திங்கட்கிழமை (பிப்ரவரி 19) ஜனாதிபதி செயலகத்தில் இடம்பெற்றது.
ஜனாதிபதி செயலகத்தில் உள்ள அமைச்சரவை அறைக்கு பிள்ளைகளை வரவழைத்த ஜனாதிபதி அவர்களுக்கு அமைச்சரவை, அதன் கட்டமைப்பு மற்றும் அதன் செயற்பாடுகள் பற்றிய கண்ணோட்டத்தை வழங்கினார்.
முக்கியமான தேசிய தீர்மானங்கள் எடுக்கப்படும் அமைச்சரவைக்கு தலைமை தாங்கும் ஜனாதிபதியுடன் பாடசாலை மாணவர்கள் கலந்துரையாடலில் ஈடுபட்டமை குறிப்பிடத்தக்க சந்தர்ப்பமாக அமைந்தது.
மேலும், அமைச்சரவையின் கடமைகள், பணிகள் மற்றும் பொறுப்புகள் குறித்து மாணவர் பாராளுமன்றத்தில் அமைச்சர் பதவிகளை வகிக்கும் மாணவிகளுக்கு ஜனாதிபதி விளக்கினார்.
நாட்டின் எதிர்கால சந்ததியினர் மத்தியில் அரசாங்க முறைமை பற்றிய வலுவான புரிதலை வளர்ப்பதன் முக்கியத்துவத்தையும் ஜனாதிபதி வலியுறுத்தினார்.
