ஏழு நாடுகளின் தூதுவர்கள் மற்றும் உயர்ஸ்தானிகர்களை ஜனாதிபதி இன்று சந்திக்கவுள்ளார்

ஜனாதிபதி அனுரகுமார திஸாநாயக்க ஏழு நாடுகளின் தூதுவர்கள், உயர்ஸ்தானிகர்கள் மற்றும் பிரதிநிதிகளுடன் இன்று பேச்சுவார்த்தையில் ஈடுபடவுள்ளதாக ஜனாதிபதி ஊடகப் பிரிவு (PMD) தெரிவித்துள்ளது.

உலகளாவிய ரீதியில் இருதரப்பு உறவுகளை வலுப்படுத்தும் தற்போதைய அரசாங்கத்தின் கொள்கைக்கு இணங்க ஜனாதிபதி இந்த வெளிநாட்டு இராஜதந்திரிகள் மற்றும் பிரதிநிதிகளை சந்தித்து கலந்துரையாடுவார் என்று PMD தெரிவித்துள்ளது.

கியூபா, இங்கிலாந்து, ஆஸ்திரேலியா, சீனா, ஜப்பான், கனடா மற்றும் இந்தியா ஆகிய நாடுகளின் தூதர்கள், உயர்ஸ்தானிகர்கள் மற்றும் பிரதிநிதிகள் இந்த சந்திப்புகளில் பங்கேற்பார்கள் என்று எதிர்பார்க்கப்படுகிறது.