செல்சியா கால்பந்து கிளப்பை விற்பனை செய்ய முடிவு செயதுள்ளதாக அதன் உரிமையாளர் ரோமன் அப்ராமோவிச் அறிவித்துள்ளார்.
செல்சியா அணி கடந்த 25 ஆண்டுகளில் 5 முறை பிரீமியர் லீக் பட்டத்தையும்,7 முறை எப்.ஏ கோப்பையையும், 4 முறை லீக் கோப்பை சாம்பியன் பட்டத்தையும் வென்றுள்ளது.
யு.இ.எப்.ஏ. சான்பியன்ஸ் லீக், ஐரோப்பிய லீக் சூப்பர் கோப்பைகளை தலா 2 முறையும், ஒருமுறை பிfபா கிளப் உலக கோப்பையையும் வென்ற பெருமை செல்சியா கால்பந்து அணிக்கு உண்டு.
இந்நிலையில், உக்ரைனில் நீடிக்கும் போர் சூழலால் கவலையடைந்த தொழிலதிபர் ரோமன் அப்ரோவிச், செல்சியா கால்பந்து அணியை விற்கப்போவதாக அறிவித்துள்ளார். இதில் கிடைக்கும் பணத்தை போரில் பாதிக்கப்பட்ட மக்களுக்கு வழங்கப்போவதாகவும் அவர் கூறியுள்ளார். சுமார் 14,000 கோடி ரூபாய்க்கு செல்சியா அணியை கொடுக்க அப்ரோவிச் முடிவு செய்துள்ளதாக கூறப்படுகிறது.
உக்ரைனில் பாதிக்கப்பட்ட மக்களுக்கு உதவுவதற்காக அறக்கட்டளை ஒன்றை அமைக்கப்போவதாகவும் அவர் தெரிவித்துள்ளார்.
