சுவிற்சர்லாந்தில் மேலும் இரு Omicron தொற்றுக்கள் கண்டறியப்பட்டன -2000 பேர் தனிமைப்படுத்தப்பட்டனர் !

ஏற்கனவே பாசலில் ஒன்று, ஜெனீவாவில் இரண்டு மற்றும் பெர்னில் ஒன்று என இருந்த ஒமிக்ரான் தொற்றுக்கள், வாட் மாநிலத்தின், ஃபோனெக்ஸில் உள்ள சர்வதேச பள்ளியில் பயிலும், தென்னாப்பிரிக்காவிலிருந்து சமீபத்தில் திரும்பிய மாணவர்களிடையே, இரண்டு புதிய நோய்த்தொற்றுகள் கண்டறியப்பட்டதுடன் ஐந்தாக உயர்ந்துள்ளது.

மேற்படி தொற்றுக்கள் கண்டறியப்பட்டதன் காரணமாக, அப்பள்ளியின் மாணவர்கள் மற்றும் ஊழியர்கள் உட்பட 2,000 பேர் உடனடியாகத் தனிமைப்படுத்தப்பட்டுள்ளனர்.

நேற்று வியாழன் இரவு வரை சுவிட்சர்லாந்தில் ஐந்து வழக்குகள் மட்டுமே கண்டறியப்பட்டுள்ள நிலையில், வரும் நாட்களில் மேலும் கண்டறியப்படலாம் என்று அதிகாரிகள் தெரிவித்துள்ளனர். இதேவேளை, சுவிற்சர்லாந்தில் கோவிட் தொடர்பான இறப்புகள் அதிகரித்து வருகின்றன

சமீப காலம் வரை, புதிய தொற்றுநோய்களின் எண்ணிக்கை அதிகரித்துள்ள போதிலும், கொரோனா வைரஸால் இறந்த நோயாளிகளின் எண்ணிக்கை ஒப்பீட்டளவில் குறைவாகவே இருந்தது. ஆயினும் நவம்பர் நவம்பர் கடைசி வாரத்தில் இருந்து இறப்புக்களின் எண்ணிக்கை அதிகரித்துள்ளதாக மத்திய பொது சுகாதார அலுவலகத்தின் தரவுகள் தெரிவிக்கின்றன.

இது இவ்வாறிருக்க, சுவிற்சர்லாந்தில் மீண்டும் கோவிட் பரிசோதனையை இலவசமாக்குவது தொடர்பில் ஆலோசிக்கப்பட்டு வருகிறது. இலவச கோவிட் பரிசோதனையை நிறுத்திய இரண்டு மாதங்களுக்குள், நாடு முழுவதும் இலவச கோவிட் பரிசோதனைக்கு திரும்புவதற்கான வாய்ப்பினை ஏற்படுத்தும் வகையில், சுவிட்சர்லாந்தின் தேசிய கவுன்சில், நாட்டின் பிரதிநிதிகள் சபை, கோவிட் பரிசோதனையை மீண்டும் இலவசமாக்குவதற்கான முன்மொழிவுக்கு நேற்று வியாழக்கிழமை ஒப்புதல் அளித்தது.

இந்த முன்மொழிவு இப்போது மாநில கவுன்சில், மற்றும் சுவிட்சர்லாந்தின் 46 உறுப்பினர்களைக் கொண்ட செனட்டின் ஒப்புதலுக்குச் செல்லும். அங்கும் அது ஏற்க் கொள்ளப்பட்டால், அடுத்த வார தொடக்கத்தில் மீண்டும் சோதனைகள் இலவசமாகலாம்.