இலங்கை முழுவதும் கடுமையான வெப்பநிலை தொடர்ந்து அதிகரித்து வருவதால், இலங்கையில் உள்ள கால்நடை மருத்துவர்கள், விலங்குகளுக்கு குறிப்பாக பறவைகளுக்கு தண்ணீர் வசதியை வழங்குமாறு பொதுமக்களை வலியுறுத்தி, நடவடிக்கைக்கு ஒரு தெளிவான அழைப்பை விடுத்துள்ளனர்.
"இந்த பருவத்தில் வன விலங்குகள் மற்றும் செல்லப்பிராணிகள் எதிர்கொள்ளும் முக்கிய சவாலாக நீரிழப்பு உள்ளது" என்று டாக்டர் ஜெயசிங்க கூறினார். "அதிக வெப்பநிலை வியர்வை அல்லது மூச்சிரைப்பதன் மூலம் விலங்குகளில் நீர் இழப்பை அதிகரிக்கிறது, இது நீரிழப்புக்கு வழிவகுக்கிறது - உடல் எடுத்துக்கொள்வதை விட அதிக திரவத்தை இழக்கும் நிலை."
"நீரிழப்பின் விளைவுகள் சோம்பல் மற்றும் பலவீனம் முதல் உறுப்பு செயலிழப்பு அல்லது கடுமையான நிகழ்வுகளில் இறப்பு வரை பயங்கரமானதாக இருக்கலாம். குழிந்த கண்கள், வறண்ட வாய் மற்றும் விரைவான இதயத் துடிப்பு போன்ற நீரிழப்பு அறிகுறிகளை அவதானிப்பது செல்லப்பிராணி உரிமையாளர்களுக்கு பொறுப்பாகும்" என்று அவர் விளக்கினார்.
மேலும், குட்டிகள் போன்ற பாதிக்கப்படக்கூடிய விலங்குகள் மற்றும் நோய்வாய்ப்பட்டவர்கள் அல்லது வயதானவர்கள் குறித்து சிறப்பு கவனம் செலுத்தப்பட வேண்டும் என்று டாக்டர் ஜெயசிங்க கூறினார்.
"விலங்குகளின் வெப்ப அழுத்தத்தைத் தணிப்பதற்கான விலங்குகள் மற்றும் பறவைகளுக்கு அத்தியாவசிய வளங்களை அமைப்பது முக்கியமாகும். அவர்கள் சுத்தமான தண்ணீருக்கான நிலையான அமைவிடம் மற்றும் இடைவிடாத வெயிலில் இருந்து அவர்கள் ஓய்வெடுக்கக்கூடிய நிழல் தரும் பகுதிகளை உருவாக்குவதும் இதில் அடங்கும்.” என்று அவர் சுட்டிக்காட்டினார்.
மேலும், வெப்பமான நாளின் போது கடினமான செயல்களில் விலங்குகளை ஈடுபடுத்துவதைத் தவிர்க்க உரிமையாளர்கள் அறிவுறுத்தப்படுகிறார்கள். அதே நேரத்தில் நீச்சல் அல்லது அவற்றின் ரோமங்களை ஈரமாக்குதல் போன்ற முறைகள் மூலம் குளிர்ச்சியடைய வாய்ப்புகளை வழங்க வலியுறுதப்படுகின்றனர்.
