‘டாக்டர்’ படத்தைத் தொடர்ந்து நெல்சன் திலீப்குமார் இயக்கத்தில் விஜய் நடிப்பில் உருவாகி வரும் படம் 'பீஸ்ட்'.
சன் டிவி நிறுவனம் தயாரித்து வரும் இப்படத்தின் படப்பிடிப்பு சென்னையில் தற்போது மும்முரமாக நடைபெற்று வருகிறது. 'பீஸ்ட்' படத்தில் செல்வராகவன், யோகி பாபு, பூஜா ஹெக்டே, அபர்ணா தாஸ் எனப் பலர் நடித்து வருகிறார்கள். ஒளிப்பதிவாளர் மனோஜ் பரமஹம்சா, இசையமைப்பாளர் அனிருத், எடிட்டராக நிர்மல், கலை இயக்குநராக கிரண் ஆகியோர் பணிபுரிந்து வருகிறார்கள்.
இந்தப் படத்தின் படப்பிடிப்பு கோரோனா இரண்டாம் அலை தொடங்கிய சமயத்தில் ஜார்ஜியாவில் 4 நாட்கள் நடத்தப்பட்டது. அதன் பிறகு விமான சேவைகள் இந்தியாவுக்கு நிறுத்தப்படுகிறது என்று அறிவிக்கப்பட்டதால் படக்குழு சென்னை திரும்பியது. சென்னை ஈபிவி பிலிம் சிட்டியில் பிரம்மாண்டமான ஷாப்பிங் மால் அரங்கம் அமைத்து படப்பிடிப்பு நடைபெற்று வருகிறது. இந்நிலையில் விடுபட்ட காட்சியை எடுக்க ஜார்ஜியா செல்லவிருக்கிறது ‘பீஸ்ட்’ படக்குழு. படக்குழுவினருடன் விஜய்யும் இந்த மாதம் ஜார்ஜியா செல்ல விசா விண்ணப்பித்திருந்த நிலையில், ரஷ்ய அரசாங்கம், அதற்கான அனுமதியை அளித்துள்ளது. தற்போது ரஷ்யாவில் நாள் ஒன்று 40 ஆயிரம் பேர் கொரோனா தொற்றுக்கு ஆளாகி வருவது குறிப்பிடத் தக்கது.
