முக்கியமான லோக்சபா தேர்தலுக்கு சில மாதங்களுக்கு முன்னதாக தமிழ் நடிகர் தளபதி விஜய் ‘தமிழக வெற்றி கழகம்’ என்ற அரசியல் கட்சியை வெள்ளிக்கிழமை அறிவித்தார்.
இதுகுறித்து அவர் வெளியிட்டுள்ள அறிக்கையில், “தமிழக வெற்றிக் கழகத்தை பதிவு செய்ய தேர்தல் ஆணையத்திடம் இன்று விண்ணப்பம் செய்கிறோம். வரவிருக்கும் 2026 சட்டமன்றத் தேர்தலில் போட்டியிட்டு வெற்றி பெற்று மக்கள் விரும்பும் அடிப்படை அரசியல் மாற்றத்தை ஏற்படுத்துவதே எங்களின் இலக்கு” என்றார்.
“அரசியல் எனக்கு இன்னொரு தொழில் அல்ல. இது ஒரு புனிதமான மக்கள் பணி. நான் நீண்ட காலமாக அதற்காக என்னை தயார்படுத்திக் கொண்டேன். அரசியல் எனக்கு பொழுது போக்கு அல்ல. அதுவே எனது ஆழ்ந்த ஆசை. நான் அதில் என்னை முழுமையாக ஈடுபடுத்த விரும்புகிறேன்” என்று நடிகர் கூறினார்.
மேலும் நடிகர் விஜய்யின் அரசியல் நகர்வு குறித்து விளக்கமளித்த அந்த அறிக்கையில், “தற்போதைய அரசியல் சூழலை நீங்கள் அனைவரும் அறிவீர்கள். நிர்வாகச் சீர்கேடுகளும், ஊழல் அரசியல் கலாசாரமும் ஒருபுறம், சாதி, மத அடிப்படையில் மக்களைப் பிளவுபடுத்தும் அரசியல் கலாச்சாரம் மறுபுறம். சுயநலமற்ற, வெளிப்படையான, ஜாதியற்ற, தொலைநோக்கு பார்வையுள்ள, ஊழலற்ற மற்றும் திறமையான நிர்வாகத்திற்கு வழிவகுக்கும் ஒரு அடிப்படை அரசியல் மாற்றத்திற்காக, குறிப்பாக, தமிழகத்தில் அனைவரும் ஏங்குகிறார்கள்." என குறிப்பிடிருந்தது.
தேர்தல் ஆணையத்தின் ஒப்புதலைப் பெற்ற பிறகு, கட்சி பொதுக் கூட்டங்கள் மற்றும் நிகழ்ச்சிகளை நடத்த திட்டமிட்டுள்ளது. அங்கு அவர்கள் தங்கள் கொள்கைகள் மற்றும் செயல் திட்டங்களை முன்வைத்து, கொடி மற்றும் கட்சியின் சின்னத்தை அறிமுகப்படுத்த உள்ளனர்.
