நமது சூரியக் குடும்பத்தைவிட, அதற்கு வெளியே உள்ள ஒரு நட்சத்திரத்தை சுற்றிச் சுழலும் விண்கிரகமாக (HD 137010 b) கண்டுபிடிக்கப்பட்டுள்ளது.
இது எக்ஸோபிளானட் என்று அழைக்கப்படுகிறது. சூரியன் அல்லாத மற்றொரு நட்சத்திரத்தைச் சுற்றும் கிரகம் என்பது இதன் பொருள்.
இந்த விண்கிரகத்தை NASA-வின் Kepler விண்கலம் (K2 பார்வை) மூலம் 2017-ல் எடுக்கப்பட்ட தரவுகளைக் கொண்டு கண்டுபிடிக்கப்பட்டது. அதை transit method (கிரகம் நட்சத்திரத்தின் முன் சென்ற போது நடக்கும் ஒளி தணிப்பு) மூலம் உருவான ஒளி வ+ச்சைக் கொண்டு தீர்மானித்து இருந்தார்கள்.
இந்தத்திட்டத்தை ஆஸ்திரேலிய பல்கலைக்கழக (University of Southern Queensland) ஆராய்ச்சியாளர்கள் தலைமையில் முன்னெடுக்க, Harvard முதல் Oxford வரை பல ஆய்வு குழுக்கள் பங்கெடுத்து உள்ளனர். இந்த ஒருங்கமைவு Planet Hunters என்ற குடிநிலை அறிவியல் திட்டத்துடன் தொடர்பு கொண்டது.
146–150 ஒளி ஆண்டுகளுக்கு மேல் (light-years) உள்ள இந்தக் கிரகத்தின் மீதான ஆய்வில் கிடைத்திருக்கும் முதற்கட்டத் தகவல்களின்படி, இது ஏறக்குறைய நம் பூமியின் தன்மைகளை ஒத்திருப்பதாகக் கருதப்படுகிறது. இது HD 137010 எனப்படும் நட்சத்திரத்தைச் சுற்றுகிறது, இந்த நட்சத்திரம், நமது சூரியனைப் போன்றதொரு (Sun-like) நட்சத்திரமாகும், ஆனால் சூரியனைவிட சிறிதும் குளிர்ச்சி மற்றும் குறைந்த வெளிச்சம் கொண்டது.
இவ்விண்கிரகம் பூமிக்கு மிக அருகிலும் (Earth-like), நமது பூமி சூரியனைச் சுற்றிவரும் 365 1\4 நாட்களைப் போன்று, இந்தக் கிரகம், சுமார் 355 நாட்களில் (ஒரு ஆண்டு போல்) தனது நட்சத்திரத்தைச் சுற்றுகிறது . இது பூமியின் சுற்று காலத்தினை ஒத்ததாக இருப்பதும், நமது பூமியளவினைவிட 1.06 மடங்கு சற்றுப் பெரிதெனவும் கணிக்கப்பட்டுள்ளது.
இக்கிரகத்தில் தண்ணீர் இருக்க முடியும் எனவும், உயிர்கள் வளர சாத்தியமாகும் எனவும் தெரிவிக்கப்டுகிறது. ஆனாலும், HD 137010 b-க்கு அதன் நட்சத்திரத்துக் கிடைக்கும் ஒளியளவு, பூமிக்கு கிடைக்கும் ஒளியை விட மூன்றில் ஒன்றுக்கும் குறைவானதாகும். இதனால் பூமியைவிட மிகவும் குளிர் நிலைகள் (-70 °C / -90 °F) ஏற்படும் என கணிக்கப்பட்டுள்ளது . இதுஏற்கனவே செவ்வாய் கிரகச் சூழலில் கண்டறியப்பட்டது போலும் இருக்கலாம் என்கிறார்கள்.
இதே வேளை இந்த வெப்பநிலை கணிப்பு அத்தொலைவில் கிரகத்தின் வாயுக்களத்தைப் பொருந்தாமல் பெற்று உள்ளது. கனமான (thick) வாயு மண்டலம் இருந்தால் அது சூடேற்றல் (greenhouse warming) மூலம் வெப்பநிலையை உயர்த்த முடியும், இவ்வாறே சூடான நிலைக்கு வழிமாற்றமடைய வாய்ப்பு இருக்கலாம் என்றும் ஊகிக்கப்படுகிறது.
தற்போதைக்கு இது “planet candidate” (உறுதிப்படுத்தப்படாத) கிரகம் எனப்படுகிறது, ஏனெனில், விண்கல அறிவியல் விதிகளுக்கு மூன்று தீர்மானிக்கப்பட்ட transit-கள் இருந்தால் மட்டுமே அதனை ஒரு கிரகமாக உறுதி செய்யலாம். ஆனால் இப்புதிய கிரகம் தொடர்பில் ஒரே ஒரு transit மட்டுமே நடந்துள்ளது. இதை கிரகமாக உறுதி செய்வதற்கு மேலும் ஆராய்ச்சிகள் மற்றும் நவீன கடல் மையமான விண்கலங்களின் பார்க்கும் பெறுபேறுகள் தேவை.
