இயக்குநரும் நடிகருமான சேரன், நந்தா பெரியசாமி இயக்கத்தில் கவுதம் கார்த்திக்குடன் இணைந்து நடித்து வரும் ‘ஆனந்தம் விளையாடும் வீடு’.
இந்தப் படத்தில் 60 நடிகர்கள் நடித்து வருகின்றனர். சேரன் சொந்த வீடு கட்டுவதுதான் கதை. இதில் கௌதம் கார்த்திக் சேரனின் தம்பியாக நடித்து வருகிறார். இப்படத்தின் படப்பிடிப்பு சமீபத்தில் திண்டுக்கல்லில் நடைபெற்றது. கட்டப்பட்டுவரும் வீட்டை சேரன் மேற்பார்வை செய்வதுபோன்ற காட்சி நேற்று படமாக்கப்பட்டது. படப்பிடிப்பு நடந்த போது கால் இடறி விழுந்த சேரனுக்கு தலையில் காயம் ஏற்பட்டது.
இதைத் தொடர்ந்து, சேரனின் தலையில் எட்டு தையல்கள் போடப்பட்டன. இருந்த போதிலும், படப்பிடிப்பை ரத்து செய்யமால் தொடர்ந்து தனது காட்சிகளை சேரன் நடித்துக் கொடுத்துள்ளார். சேரன் உள்ளிட்ட படக்குழுவினர் தற்போது சென்னை திரும்பியுள்ளனர்.ஒரு கல்லூரியின் கதை தொடங்கி நந்தா பெரிய சாமி பல படங்களை இயக்கியவர் என்பது குறிப்பிடத்தக்கது.
