கார்த்திக் சுப்புராஜ் இயக்கத்தில் சியான் விக்ரமும் அவருடைய மகன் துருவ் விக்ரமும் முதல் முறையாக இணைந்து நடித்துவரும் படம் ‘மகான்’.
இந்தப் படத்தை லலித் குமார் தயாரிக்க, சந்தோஷ் நாராயணன் இசையமைத்து வருகிறார். கடந்த மாதம் இந்தப் படத்தில் விக்ரம் நடிக்கும் கதாபத்திரத்திற்கான முதல் பார்வை காணொளி மற்றும் போஸ்டர் வடிவங்களில் வெளியிடப்பட்டது. அதைத் தொடர்ந்து தற்போது துருவ் விக்ரம் கதாபாத்திரத்திற்கான முதல் பார்வை போஸ்டர் இன்று விநாயகர் சதுர்த்தியை முன்னிட்டு வெளியீடபட்டுள்ளது. இதனை இயக்குனர் கார்த்திக் சுப்புராஜ் தனது ட்வீட்டர் பக்கத்தில் இதை வெளியிட்டுள்ளார். இதை போஸ்டர் ரீல் காணொளியாகவும் அவர் வெளியிட்டுள்ளார்.
காணொளியில், துருவ் விக்ரம் கட்டுக்கோப்பான உடலுடன் தியானம் செய்வது போல் காட்சி இடம்பெற்றுள்ளது. அதில் துருவ் விக்ரமை தாதா என கார்த்திக் சுப்ராஜ் குறிவிட்டுள்ளார் இந்தப் படத்தில் விகரம் - துருவ் விக்ரம் ஆகியோருடன் பாபி சிம்ஹா, சிம்ரன், வாணி போஜன் போன்ற பலர் முக்கியமான கதாபாத்திரத்தில் நடித்துவருகின்றனர். அடுத்து ஒவ்வொரு கதாபாத்திரத்துக்கான முதல் பார்வை வெளியாகும் என எதிர்பார்க்கலாம்.
