4 நாட்களுக்குள் 25,000 சுற்றுலாப் பயணிகள் இலங்கைக்கு வருகை

இந்த வருடத்தின் முதல் நான்கு நாட்களில் மாத்திரம் 25,000க்கும் அதிகமான சுற்றுலாப் பயணிகள் நாட்டிற்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.

அதன்படி, ஜனவரி 1ம் தேதி முதல் 4ம் தேதி வரை மொத்தம் 25,619 சுற்றுலா பயணிகள் வந்துள்ளனர்.

அதிக எண்ணிக்கையிலான சுற்றுலாப் பயணிகளாக, ரஷ்யாவிலிருந்து 5,060 பேர் வந்துள்ளனர், இந்தியாவிலிருந்து 3,333 சுற்றுலாப் பயணிகள் வந்துள்ளனர்.

ஜேர்மனி, பிரித்தானியா, அவுஸ்திரேலியா, சீனா, பிரான்ஸ், நெதர்லாந்து மற்றும் அமெரிக்கா ஆகிய நாடுகளிலிருந்தும் கணிசமான எண்ணிக்கையிலான சுற்றுலாப் பயணிகள் வருகை தந்துள்ளதாக SLTDA தெரிவித்துள்ளது.

கடந்த ஆண்டில், மொத்தம் 1,487,303 சுற்றுலாப் பயணிகள் நாட்டிற்கு வருகை தந்துள்ளனர்.