புதிய தேசியப்பட்டியல் நாடாளுமன்ற உறுப்பினர்கள் நால்வர் இன்று (17) காலை பிரதி சபாநாயகர் முன்னிலையில் சத்தியப்பிரமாணம் செய்துகொண்டனர்.
அதன்படி, இன்றைய பாராளுமன்ற அமர்வு ஆரம்பமானதை தொடர்ந்து புதிய ஜனநாயக முன்னணியின் பைசர் முஸ்தபா மற்றும் சமகி ஜன பலவேகயவின் சுஜீவ சேனசிங்க, மனோ கணேசன் மற்றும் மொஹமட் இஸ்மாயில் ஆகியோர் பாராளுமன்ற உறுப்பினர்களாக சத்தியப்பிரமாணம் செய்துகொண்டனர்.
மனோ கணேசன், நிசாம் காரியப்பர், சுஜீவ சேனசிங்க மற்றும் மொஹமட் இஸ்மாயில் ஆகிய நான்கு தேசியப் பட்டியல் பாராளுமன்ற உறுப்பினர்களுக்கான வேட்புமனுக்களை டிசம்பர் 12 அன்று SJB அறிவித்தது.
எவ்வாறாயினும், நிசாம் காரியப்பர் சத்தியப்பிரமாணம் செய்ய முன்வராததால், மூன்று SJB தேசிய பட்டியல் பாராளுமன்ற உறுப்பினர்கள் மாத்திரமே இன்று பதவிப்பிரமாணம் செய்துகொண்டனர்.
இதற்கிடையில், டிசம்பர் 11 அன்று, இலங்கை தேர்தல் ஆணையம் 2024 பொதுத் தேர்தலில் "காஸ் சிலிண்டர்" சின்னத்தில் போட்டியிட்ட NDF இன் தேசிய பட்டியல் மூலம் ஃபைசர் முஸ்தபா எம்.பி.யாக நியமனம் செய்யப்பட்டதை உறுதிப்படுத்தும் வர்த்தமானி அறிவிப்பை வெளியிட்டது.
