பெண்கள் உலகக்கோப்பை கால்பந்து இறுதிப்போட்டியில் இங்கிலாந்து - ஸ்பெயின் மோதின.
பிரிஸ்பேனில் நேற்று நடந்த 3-வது இடத்துக்கான ஆட்டத்தில் ஸ்வீடன் அணி 2-0 என்ற கோல் கணக்கில் ஆஸ்திரேலியாவை வீழ்த்தி 4-வது முறையாக வெண்கலப்பதக்கத்தை பெற்றது.
இந்த நிலையில் ஆஸ்திரேலியாவின் சிட்னி நகரில் இன்று நடைபெற்ற இறுதிப்போட்டியில் முதல்முறையாக நுழைந்துள்ள இங்கிலாந்து, ஸ்பெயின் அணிகள் மோதியது. 32 ஆண்டு கால பெண்கள் உலக கோப்பை கால்பந்து வரலாற்றில் இறுதிப்போட்டியை எட்டியிராத இரு அணிகள் இறுதியுத்தத்தில் சந்திப்பது இது முதல் தடவையாகும்.
இங்கிலாந்துக்கு எதிரான இந்த இறுதிப்போட்டியில் 29-வது நிமிடத்தில் ஸ்பெயின் அணி முதல் கோலை அடித்து 1-0 என்ற கோல் கணக்கில் முன்னிலை பெற்றது. ஸ்பெயின் வீராங்கனை கார்மோனா இந்த கோலை அடித்தார். முதல் பாதியில் மேலும் கோல்கள் விழவில்லை.
இதனையடுத்து நடந்த 2-வது பாதியில் இரு அணிகளும் கோல் போட முடியாமல் திணறினர். இறுதியில் ஸ்பெயின் அணி 1-0 என்ற கணக்கில் இங்கிலாந்தை வீழ்த்தி சாம்பியன் பட்டத்தை வென்றது.
