இந்தியா மற்றும் பாகிஸ்தான் அணிகளுக்கிடையேயான நேரலை போட்டியை ஹாட்ஸ்டாரில் ஒரு கோடிக்கு மேல் வரை ரசிகர்கள் பார்த்துள்ளனர்.
உலகக்கோப்பை டி20 தொடரின் சூப்பர் 12 ஆட்டத்தின் நேற்றைய இரண்டாம் ஆட்டத்தில் இந்தியா-பாகிஸ்தான் அணிகள் விளையாடின. இதில் பாகிஸ்தான் அணி 10 விக்கெட்டுகள் வித்தியாசத்தில் வெற்றி பெற்றது. இது பாகிஸ்தான் அணியின் வரலாற்று வெற்றியாகும்.
குறிப்பாக பாகிஸ்தான்-இந்தியா போட்டி என்றாலே உலக கிரிக்கெட் ரசிகர்களிடையே மிகுந்த எதிர்பார்ப்பு இருக்கும். அதன் காரணமாகவே அன்று ஒருநாள் மட்டும் ஒளிபரப்பாகும் ஊடகத்தின் டி.ஆர்.பி மதிப்பு எங்கோ சென்றுவிடும்.
இந்நிலையில், இப்போட்டியை HOTSTAR-ல் மட்டும் நேற்று நேரலையின் போது அதிகபட்சமாக 1.2 கோடி பேர் வரை பார்த்தனர். இது தான் ஹாட்ஸ்டார் வரலாற்றிலே ஒரு நேரலை சாதனையின் உச்சமாக இருக்கும் என்று எதிர்பார்க்கப்படுகிறது.
