அமைச்சர் ஐ. பெரியசாமி அவர்களின் தொடர் திட்டங்கள்!

தேனி கலெக்டர் அலுவலகத்தில் கூட்டுறவுத் துறை சார்பில் கலந்தாய்வுக்கூட்டம் நடைபெற்றது. இக்கூட்டத்திற்கு தேனி கலெக்டர் முரளிதரன் தலைமை தாங்கினார். கூட்டத்தில் சட்டமன்ற உறுப்பினர்கள், அதிகாரிகள், விவசாயிகள் என பலரும் கலந்து கொண்டனர். சிறப்பு விருந்தினராக கூட்டுறவுத் துறை அமைச்சர் ஐ.பெரியசாமி கலந்து கொண்டு பேசினார்.
அப்போது அமைச்சர் ஐ.பெரியசாமி “இந்தியாவிலேயே சிறப்பாக ஆட்சி நடைபெற்றுக் கொண்டிருக்கும் மாநிலம் தமிழ்நாடு.
கூட்டுறவுத்துறை மூலம் செயல்பட்டு வந்த மருந்தகங்கள் முந்தைய அதிமுக அரசால் கண்டுகொள்ளப்படாமலிருந்தது. இதனால் பல மருந்தகங்கள் மூடப்பட்ட நிலையில் உள்ளது. தற்போது அந்த மருந்தகங்கள் திறக்கப்பட்டு மேம்படுத்தப்பட்டு புதிய மருந்தகங்கள் திறக்கப்படவும் நடவடிக்கைகள் மேற்கொள்ளப்பட்டு வருகிறது.
தமிழ்நாட்டிலே தேனி மாவட்டத்தில் முதன்முறையாக 10 கூட்டுறவு சங்கங்களின் மூலம் 6 ஆயிரத்து 898 பேருக்கு முதியோர் உதவித்தொகை வழங்கப்பட்டு வருகிறது. இந்த பணிகள் தேனி மாவட்டத்தில் சிறப்பாக நடைபெறுவதை தொடர்ந்து தமிழ்நாடு முழுவதும் இந்தத் திட்டம் செயற்படுத்தப்படவுள்ளது.

மாநிலத்தில் உள்ள கூட்டுறவு சங்கங்களின் மூலம் விவசாயிகளுக்கு இந்த ஆண்டு ரூபாய் 11 ஆயிரத்து 500 கோடி கடன் வழங்க இலக்கு நிர்ணயிக்கப்பட்டுள்ளது. இந்த இலக்கையும் தாண்டி விவசாயிகளுக்கு கடன் தேவைப்பட்டால் அதையும் வழங்க இந்த அரசு தயாராக உள்ளது.

ரேஷன் அரிசி கடத்தலில் ஈடுபவர்கள் கடுமையாக தண்டிக்கப்படுவார்கள். ரேஷன் கடைகளில் பழுப்பு நிற அரிசி விநியோகம் செய்யப்படாமலிருக்க அந்தந்த மாவட்ட ஆட்சித் தலைவர்கள் நடவடிக்கை மேற்கொள்ள வேண்டும். கூட்டுறவு சங்கங்களில் புதிய உறுப்பினர்கள் சேர்க்கை நடைபெற்று வருகிறது அதனை பொதுமக்கள் அனைவரும் பயன்படுத்திக் கொள்ளுமாறு கேட்டுக் கொள்கிறேன்.“ என்று பேசினார்.