இந்தியாவிலுள்ள டெல்லி, மும்பை ட்விட்டர் அலுவலகங்கள் மூடல்

இந்தியாவில் செயல்பட்டு வந்த 3 ட்விட்டர் அலுவலகங்களில் டெல்லி, மும்பையில் உள்ள தனது அலுவலகங்களை ட்விட்டர் நிறுவனம் மூடியுள்ளது. பெங்களூரு அலுவலகம் மட்டும் தொடர்ந்து செயல்படும் என தெரிவிக்கப்பட்டுள்ளது.

மூடப்பட்டுள்ள 2 அலுவலகங்களில் பணியாற்றியவர்கள் வீட்டில் இருந்து வேலை செய்ய எலான் மஸ்க் அறிவுறுத்தியுள்ளார். செலவை குறைக்கும் நடவடிக்கையாக 3 அலுவலகங்களில் இரண்டை மூடியதாக தெரிவிக்கப்பட்டுள்ளது.

கடந்த ஆண்டு இறுதியில் இந்தியாவில் 200-க்கும் மேற்பட்ட ஊழியர்களை ட்விட்டர் நிறுவனம் பணிநீக்கம் செய்தது. நடப்பு ஆண்டின் பிற்பகுதியில் ட்விட்டரை நிதி ரீதியாக நிலைநிறுத்துவதற்கான முயற்சியாக பல்வேறு நடவடிக்கைகளை, அதன் உரிமையாளர் எலான் மஸ்க் எடுத்து வருகிறார்.