கோர விபத்து - 6 பேர் பரிதாப பலி

இந்த கோர விபத்து காரணமாக காரில் பயணம் செய்த சென்னை தாம்பரத்தை சேர்ந்த ஒரே குடும்பத்தைச் சேர்ந்த 6 பேர் சம்பவ இடத்திலேயே உடல் நசுங்கி பரிதாபமாக உயிரிழந்தனர்.

புறவழிச்சாலையோர 8 அடி ஆழ பள்ளத்தில் அரசு பேருந்தின் முன்பக்க அடியில் சிக்கி கார் நொறுங்கியது. இதனால் உயிரிழந்தவர்களை மீட்பதற்கு போலிசார் மற்றும் தீயணைப்புத்துறையினர் 3 மணி நேரமாக போராடினர்.

அதன்பின் பொக்லைன் இயந்திரம் மூலம் பேருந்தின் அடியில் சிக்கிய காரை மீட்டு காரில் உயிரிழந்த 6 பேரின் சடலங்களை மீட்டு கள்ளக்குறிச்சி அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.

இந்த கோர விபத்தில் அரசுப் பேருந்தில் பயணம் செய்த ஓட்டுனர், நடத்துனர் உட்பட 5 பேர் படுகாயங்களுடன் கள்ளக்குறிச்சி அரசு மருத்துவமனையில் சிகிச்சை பெற்று வருகின்றனர்.

விபத்து குறித்து தியாகதுருகம் போலீசார் வழக்குபதிவு செய்து விசாரணை மேற்கொண்டு வருகின்றனர். ஊட்டிக்கு சுற்றுலா சென்றுவிட்டு திரும்பிய போது ஏற்பட்ட கோர விபத்தில் ஒரு குடும்பத்தை சேர்ந்த 6 பேர் உடல் நசுங்கி உயிரிழந்த சம்பவம் பெரும் சோகத்தை ஏற்படுத்தியுள்ளது.