2021 குரு பெயர்ச்சி 27 நக்ஷத்ரங்களுக்கான விரிவான பலன்கள் !

குருவால் ஏற்படும் பாக்கியங்கள்:

பக்தி, சிரத்தை, வழிபாடு, புனித சிந்தனை, யாத்திரை, நல்லொழுக்கத்தைக் கடைபிடித்தல் போன்ற விஷயங்கள் குரு பலத்தால் பெறக் கூடியதாகும்.

ஒருவர் பெரிய மத குருவாக இருக்கிறார் என்றால் அவருக்கு குரு நல்ல பலம் பெற்றிருக்கிறார் என்று பொருள்.

ஒழுக்கசீலராக இருப்பவர்களின் ஜாதகத்தில் குரு பலம் பெற்றிருப்பார். உலகத்தார் அனைவரும் ஒருவரை மதிக்கிறார்கள் என்றாலும் அவரின் ஜெனன கால ஜாதகத்தில் குரு பலம் நிறைந்திருக்கிறது என பொருள். அரிய சாதனைகளை செய்வதற்கு குரு பலமே பிரதானமாக இருக்கிறது. வேத சாஸ்திரம், விஞ்ஞானம் ஆகியவற்றில் புகழ் அடைவதற்கு மூலபலம் குருபலம்தான்.

4தமிழ்மீடியா வாசகர்களுக்காக, பெருங்குளம் நவதிருப்பதி ஸ்தலம் பெருங்குளம் கோவில், கிராமம் பரம்பரை ஜோதிடர் ராமகிருஷ்ணன் ஜோஸ்யர் MCA, MA(Ast) அவர்கள் எழுதிய, ஒவ்வொரு நட்சத்திரங்களுக்குமான விரிவான நட்சத்திரப் பலன்கள்.

குரு பெயர்ச்சி நக்ஷத்ர பொதுப் பலன்கள் - 2021

நக்ஷத்ரம் மதிப்பெண்:

அஸ்வினி 74%
பரணி 72%
கார்த்திகை 76%
ரோகினி 81%
மிருகசீரிஷம் 82%
திருவாதிரை 75%
புனர்பூசம் 71%
பூசம் 78%
ஆயில்யம் 75%
மகம் 72%
பூரம் 78%
உத்திரம் 74%
ஹஸ்தம் 69%
சித்திரை 71%
ஸ்வாதி 68%
விசாகம் 65%
அனுஷம் 72%
கேட்டை 69%
மூலம் 75%
பூராடம் 72%
உத்திராடம் 69%
திருவோணம் 68%
அவிட்டம் 72%
சதயம் 76%
பூரட்டாதி 71%
உத்திரட்டாதி 68%
ரேவதி 72%

**************************************

அஸ்வினி:
கேதுவை நக்ஷத்ரநாயகனாக கொண்ட அசுபதி நட்சத்திர அன்பர்களே!
இந்த குரு பெயர்ச்சியால் பொதுவாக வருமானம் அதிகரிக்கும். குடும்பத்தில் மகிழ்ச்சி உண்டாகும். வெளியிடங்களில் செல்வாக்கு உயரும். குடும்பத்தில் சகோதர சகோதரிகளுக்கு இதுவரை தடைபட்டிருந்த காரியங்கள் அனைத்தும் நடக்கும். திருமணத் தடை, குழந்தை பாக்கியத்தில் தடை போன்றவை சரியாகும். சுப நிகழ்ச்சிகள் அனைத்தும் இனிதே நடந்தேரும். வீட்டிற்கு தேவையான அனைத்து பொருள்களையும் வாங்கி மகிழ்வீர்கள். தொழிலில் சில நஷ்டங்களையும், நலிவுகளையும் சந்தித்திருப்பீர்கள். இதுவரை விரையமான பணம் திரும்ப கிடைக்கும். உத்யோகஸ்தர்களுக்கு இதுவரை வரவேண்டிய பணம் வந்து சேரும். ஊதிய உயர்வுடன் கூடிய பணி இடமாற்றம் அல்லது பதவி உயர்வு கிடைக்கலாம்.

மதிப்பெண்கள்: உங்களுக்கு 74% நல்ல பலன்கள் கிடைக்கும்.

+: பொருளாதார முன்னேற்றம் உண்டு
-: வாக்கு கொடுப்பதில் கவனம் தேவை.

பரிகாரம்:
தினமும் விநாயகரை வழிபட்டு காரியத்தை துவங்குங்கள்.
அதிர்ஷ்ட ஹோரைகள்: செவ்வாய், சூரியன்
அதிர்ஷ்ட கிழமைகள்: திங்கள், செவ்வாய், வெள்ளி;
திசைகள்: கிழக்கு, தென்கிழக்கு
நிறங்கள்: சிவப்பு, மஞ்சள்
எண்கள்: 3, 7, 9
********************************
பரணி:
சுக்ரனை நட்சட்த்திர நாயகனாக கொண்ட பரணி நட்சத்திர அன்பர்களே,
இந்த குரு பெயர்ச்சியால் தொழிலில் ஏற்றம் காணப்படும் என்பதை பொதுவாக உங்கள் நட்சத்திரத்திற்கு சொல்ல்லாம். குடும்பத்தில் யாருக்கேனும் உடல்நிலையில் தொய்வு இருந்திருந்தால், அவர்கள் முன்னேற குரு பகவான் அருள்புரிவார். தந்தையாருடன் இருந்து வந்த சில கருத்து வேறுபாடுகள் முடிவுக்கு வரும். தொழிலில் இருந்த தடைகள் நீங்கும். உங்களை ஏமாற்றுபவர்களை கண்டுபிடிப்பீர்கள். ஒரு விஷயத்தில் பணத்தை முதலீடு செய்யும் முன்பு யோசித்து செயல்படும் எண்ணம் தோன்றும். உத்யோகஸ்தர்களுக்கு இந்த குரு பெயர்ச்சி மகிழ்ச்சி தரக்கூடியதாகவே இருக்கும். வேலையில் இதுவரை இருந்து வந்த தடைகள் விலகும். முழு மனதுடன் வேலையில் ஈடுபடுவீர்கள். திருமணமாகாதவர்களுக்கு திருமணம் நடக்கும்.
மதிப்பெண்கள்: உங்களுக்கு 72% நல்ல பலன்கள் கிடைக்கும்.
+ சுப நிகழ்ச்சிகள் நடக்கும்.
- வீண் வாக்குவாதத்தில் ஈடுபடவேண்டாம்.
பரிகாரம்:
வெள்ளிக்கிழமைதோறூம் பெருமாள் கோவிலிலுள்ள சக்கரத்தாழ்வாரை பதினொருமுறை வலம் வரவும்.
அதிர்ஷ்ட ஹோரைகள்: சுக்ரன், செவ்வாய்
அதிர்ஷ்ட கிழமைகள்: திங்கள், புதன், வெள்ளி
திசைகள்: தெற்கு, தென்மேற்கு
நிறங்கள்: சிவப்பு, வெள்ளை
எண்கள்: 5, 6
*****************************
கார்த்திகை:
சூரியனை நட்சத்திர நாயகனாக கொண்ட கிருத்திகை நட்சத்திர அன்பர்களே!
இந்த குரு பெயர்ச்சியால் தந்தைக்கும் உங்களுக்கும் இருந்த பகைமை உணர்வு மாறும். தொழிலும் ஏற்றம் உண்டாகும். குடும்பத்தில் தந்தை வழி உறவினர்களால் இருந்த சில பிரச்சனைகள் அகலும். சிலருக்கு தந்தையின் உடல் நிலையில் பிரச்சனைகள் இருந்திருக்கும். அதிலும் முன்னேற்றம் இருக்கும். தொழில் செய்பவர்கள் காரியங்களை நீங்களே முன்னின்று நடத்துவதால் இடைத்தரகர்களால் ஏற்படும் விரையத்தையும் குறைக்கலாம். புதிய தொழில் தொடங்குவதாக இருந்தாலும் அதிக முதலீடு செய்யாமல் தொடங்க சூழல் உருவாகும். உத்யோகஸ்தர்களுக்கு நிம்மதியாக வேலை செய்யும் சூழல் உருவாகும். உங்கள் வாய் சாமர்த்தியத்தால் சில காரியங்களை சாதித்துக் கொள்வீர்கள். நீங்கள் விரும்பிய பதவி உயர்வு, பணி இடமாற்றம் போன்ற அனைத்தும் கிடைக்கும்.
மதிப்பெண்கள்: உங்களுக்கு 76% நல்ல பலன்கள் கிடைக்கும்.
+ மனக்குழப்பம் தீரும்.
- வீண் சண்டைகள் ஏற்பட வாய்ப்பு உள்ளது.
பரிகாரம்:
மாதம்தோறூம் கிருத்திகை நட்சத்திரத்தன்று முருகப் பெருமானுக்கு அரளி மாலை சாற்றுங்கள்.
அதிர்ஷ்ட ஹோரைகள்: சூர்யன், செவ்வாய், குரு
அதிர்ஷ்ட கிழமைகள்: புதன், வெள்ளி
திசைகள்: மேற்கு, வடமேற்கு, தென்மேற்கு
நிறங்கள்: நீலம், பச்சை
எண்கள்: 1, 5, 6
***************************
ரோஹிணி:
சந்திரனை நட்சத்திர நாயகனாக கொண்ட ரோகிணி நட்சத்திர அன்பர்களே!
இந்த குருப்பெயர்ச்சியால் குடும்ப நிம்மதியும், லாபமும் அமையப் பெறப் போகிறிரீகள். குடும்பத்தில் இருந்த மனக் குழப்பங்கள் அனைத்தும் முடிவுக்கு வரும். உங்களை அவமானப் படுத்தியவர்கள் எல்லாம் உங்களை ஆச்சரியமுடன் பார்க்கும் காலமாக இது இருக்கும். அதை பயன்படுத்தி உங்கள் பிரச்சனைகளை தீர்த்துக் கொள்ளுங்கள். தொழிலைப் பொறுத்தவரை இதுவரை இருந்து வந்த மந்தநிலையில் இனி ஓரளவிற்கு முன்னேற்றத்தை காணலாம். ஆர்டருக்காக திருப்பி அனுப்பிய அனைவரும் உங்களைக் கூப்பிட்டு புதிய ஆர்டர்களைக் கொடுப்பார்கள். உத்தியோகத்தில் சிறிது மந்த நிலை காணப்பட்டாலும் பதவி உயர்வுக்கான தேர்வுகளில் வெற்றி பெற்று பதவி உயர்வு கிடைக்கப் பெறுவீர்கள். சிலருக்கு திருமண வாழ்க்கையில் இருந்து வந்த பிரச்சினைகள் தீரும்.
உங்களுக்கு 81% நல்ல பலன்கள் கிடைக்கும்.
+ வீண்செலவு குறையும்.
- பண விஷயங்களில் கவனம் தேவை.
பரிகாரம்:
வியாழக்கிழமை தோறும் குருபகவானுக்கு கொண்டைக்கடலை மாலை அணிவியுங்கள்.
அதிர்ஷ்ட ஹோரைகள்: சந்திரன், சுக்ரன், குரு
அதிர்ஷ்ட கிழமைகள்: திங்கள், வெள்ளி
திசைகள்: வடக்கு, வடகிழக்கு, தென்கிழக்கு
நிறங்கள்: வெள்ளை, மஞ்சள்
எண்கள்: 2, 6

******************************
மிருகசீரிஷம்:
செவ்வாய் பகவானை நட்சத்திர நாயகனாக கொண்ட மிருகசீரிஷ நட்சத்திர அன்பர்களே!
இந்த குருபெயர்ச்சியைப் பொருத்தவரை நீண்டநாட்களாக இருந்த கடன்களை அடைப்பீர்கள். குடும்பத்தில் ஆடை, ஆபரணம், வாகனம் போன்ற நீங்கள் எதிர்பார்த்திருந்த அனைத்தும் உங்களுக்கு கிடைக்கும். திருமணத் தடை நீங்கும். புது வீடு, மனை வாங்குவீர்கள். உறவினர்கள் உங்களைத் தேடி வருவார்கள். குடும்பத்தில் முடிவுகளை நீங்கள் எடுக்க வேண்டி வரலாம். தொழில் - வியாபாரத்தில் ஏற்றுமதி - இறக்குமதி தொழிலில் நல்ல லாபத்தைக் காண முடியும். உத்யோகஸ்தர்களுக்கு நிலுவையில் இருந்த பாக்கிகள் வசூலாகும். மாணவர்களுக்கு நட்பு வட்டாரம் அதிகரிக்கும். அரசியல்துறையினர் தானுண்டு தன் வேலையுண்டு என்று உங்கள் கடமைகளை மட்டும் செய்து வருவீர்கள். கலைத்துறையினருக்கு மூத்த கலைஞர்கள் உங்கள் பெயரை முன்மொழிவார்கள்.
உங்களுக்கு 82% நல்ல பலன்கள் கிடைக்கும்.
+ பதவி உயர்வு கிடைக்க பெறலாம்.
- குழந்தைகள் பற்றிய கவலை உண்டாகும்
பரிகாரம்: நவகிரகத்தில் உள்ள குருபகவானுக்கு நெய் தீபமேற்றுங்கள்.
அதிர்ஷ்ட ஹோரைகள்: செவ்வாய், சுக்ரன்
அதிர்ஷ்ட கிழமைகள்: ஞாயிறு, வெள்ளி
திசைகள்: கிழக்கு, தென்மேற்கு
நிறங்கள்: சிவப்பு, வெள்ளை
எண்கள்: 1, 6, 9
*****************************
திருவாதிரை:
ராகு பகவானை நட்சத்திர நாயகனாக கொண்ட திருவாதிரை நட்சத்திர அன்பர்களே!
இந்த குரு பெயர்ச்சியால் தொழிலால் நன்மை நடக்கும் என்பதில் ஐயமில்லை. குடும்பத்தில் மூத்த மற்றும் இளைய சகோதர சகோதரிகள் உங்களுக்கு ஆதரவாக இருப்பார்கள். அவர்களுடன் இருந்து வந்த சச்சரவுகள் சமாதானத்தில் முடியும். பூர்வீக சொத்துக்களில் இருந்த தடைகள் அனைத்தும் மாறும். வழக்குகள் உங்களுக்கு சாதகமாக முடியும். தொழிலில் நண்பர்களுடன் சேர்ந்து தொழில் செய்து கொண்டிருந்தாலும், அல்லது மூத்த சகோதரர்களுடன் தொழில் செய்து கொண்டிருந்தாலும் நல்ல லாபத்தைக் குரு பகவான் கொடுப்பார். உத்யோகஸ்தர்களுக்கு பண விஷயங்கள் சீராகும். வேலையில் அடிக்கடி விடுப்பு எடுக்காமல் வேலையை செவ்வனே செய்து முடித்து நற்பெயர் எடுக்க வேண்டும் என்ற எண்ணம் அதிகரித்து காணப்படும். உடலுக்கு அவ்வப்போது மருத்துவ செலவுகள் தேவையில்லாமல் வந்து கொண்டு தான் இருக்கும். உடனே கவனித்தால் பெரிய பிரச்சனைகளில் இருந்து தப்பிக்கலாம்.
உங்களுக்கு 75% நல்ல பலன்கள் கிடைக்கும்.
+ பணவரத்து திருப்தி தரும்
- வியாபாரம் தொடர்பான செலவுகள் கூடும்
பரிகாரம்: தக்ஷிணாமூர்த்திக்கு எலுமிச்சம்பழ சாதம் செய்து நைவேத்யம் செய்யலாம்.
அதிர்ஷ்ட ஹோரைகள்: செவ்வாய், புதன், சுக்ரன்
அதிர்ஷ்ட கிழமைகள்: ஞாயிறு, புதன், வெள்ளி
திசைகள்: வடக்கு, வடமேற்கு
நிறங்கள்: சிவப்பு, பச்சை
எண்கள்: 1, 5, 6
**********************
புனர்பூசம்:
குரு பகவானை நட்சத்திர நாயகனாக கொண்ட புனர்பூச நட்சத்திர அன்பர்களே!
இந்தக் குருபெயர்ச்சி உங்கள் முக்கியத்துவத்தை மற்றவர்களுக்கு காட்டும் விதமாக அமைகிறது. குடும்பத்தில் அனைவரும் உங்களை மதித்து, உங்கள் பேச்சுக்கு மட்டும் முக்கியத்துவம் கொடுப்பார்கள். வீட்டிற்கு தேவையான பொருட்களை வாங்கி மகிழ்வீர்காள். தொழிலில் இது வரை இருந்த தடைகள் விலகும். நீங்கள் உங்கள் தொழிலின் உச்சத்தை நீங்கள் அடைய வழி வகுக்கும். உத்யோகஸ்தர்கள் உங்களின் பதவி உயர்வு மற்றும் பணியிட மாற்றத்திற்காக நீண்ட நாட்களாக காத்திருந்திருப்பீர்கள். அவை இப்போது உங்களுக்கு விரும்பிய படியே கிடைக்கும். கவலை வேண்டாம். பெண்களுக்கு நிம்மதியான காலகட்டமாக இருக்கும். சரியான நேரத்தில் உறங்காமல் தவித்து வந்த காலகட்டங்கள் மாறும். பயணம் மூலம் நல்ல செய்தி கிடைக்கும். மாணவர்களுக்கு கல்வியில் இருந்து வந்த தடைகள் அகலும். சிலர் பாதியில் நிறுத்திய படிப்பைத் தொடரவும் வாய்ப்பு கிடைக்க்கும்.
உங்களுக்கு 71% நல்ல பலன்கள் கிடைக்கும்.
+ ஆன்மீக நாட்டம் உண்டாகும்.
- வீண் அலைச்சல் ஏற்படலாம்.
பரிகாரம்: தினமும் ஸ்ரீராமரை வணங்க ஏற்றம் உண்டாகும்.
அதிர்ஷ்ட ஹோரைகள்: புதன், குரு, சுக்ரன்
அதிர்ஷ்ட கிழமைகள்: புதன், வியாழன், வெள்ளி
திசைகள்: மேற்கு, தென்மேற்கு
நிறங்கள்: சிவப்பு, வெள்ளை
எண்கள்: 3, 5, 6
************************
பூசம்:
சனி பகவானை நட்சத்திர நாயகனாக கொண்ட பூச நட்சத்திர அன்பர்களே!
இந்த குருபெயர்ச்சி பெண்களுக்கு மிகவும் சாதகமாக இருக்கும். அவர்கள் விருப்பம் நிறை வேறும். குடும்பத்தில் எந்த முடிவு எடுப்பதாக இருந்தாலும் ஆலோசித்து முடிவு செய்விர்ர்கள். குடும்பத்துடன் வெளியூர் பயணம் சென்று வருவீர்கள். பெரியவர்கள் உங்களுக்கு ஆதர்வாக இருப்பார்கள். உங்களின் வாழ்க்கை முன்னேற்றத்திற்கு இந்த குரு பெயர்ச்சி சிறந்த அடிக்கல்லாக இருக்கும். தொழிலில் உழைப்புக்கேற்ற பிரதிபலனுக்காக போராட்டங்களைச் சந்தித்த நீங்கள் தற்போது அதற்கான பலனை பெறப்போகிறீர்கள். உத்யோகஸ்தர்கள் உங்களின் உழைப்பிற்கேற்ற அங்கீகாரம் கிடைக்கவில்லையே என்று இது வரை நீங்கள் அடைந்த மனக்கஷ்டம் இனி தீரும். உங்கள் உழைப்பிற்கேற்ற ஊதியம் கிடைக்கும். பயணம் உங்களுக்கு பயனுள்ளதாக இருக்கும். பூர்வீக சொத்துக்கள் கிடைக்கும். வழக்குகள் உங்களுக்கு சாதகமாக இருக்கும். கவலை வேண்டாம்.
உங்களுக்கு 78% நல்ல பலன்கள் கிடைக்கும்.
+ பணம் வரவு நன்றாக இருக்கும்.
- வாகனங்களைப் பிரயோகப்படுத்தும் போது மிகவும் கவனம் தேவை
பரிகாரம்: கந்தர் சஷ்டி கவசம் தினமும் சொல்லி வாருங்கள்.
அதிர்ஷ்ட ஹோரைகள்: சந்திரன், செவ்வாய், குரு
அதிர்ஷ்ட கிழமைகள்: ஞாயிறு, செவ்வாய், வெள்ளி
திசைகள்: வடக்கு, தென்மேற்கு
நிறங்கள்: சிவப்பு, மஞ்சள்
எண்கள்: 1, 6, 9
*******************************
ஆயில்யம்:
புத பகவானை நட்சத்திர நாயகனாக கொண்ட ஆயில்ய நட்சத்திர அன்பர்களே!
இந்த குருபெயர்ச்சியால் அனைவராலும் பாராட்டப் படுவீர்கள். குடும்பத்தில் சுபநிகழ்ச்சிகள் நடைபெறுவதால் மனதிற்கு மகிழ்ச்சி உண்டாகும். குடும்பத்தில் சுபகாரியங்களில் இருந்து வந்த தடைகள் நீங்கும். ஆன்மீக தலங்களுக்கு குடும்பத்துடன் சென்று வருவது மனதிற்கு மகிழ்ச்சி அளிக்கும். குடும்பத்தில் இருக்கும் மூத்தவர்கள் கூறும் அறிவுரையை கேட்டுக் கொள்ளுங்கள். தொழில் செய்பவர்கள் கடல் தாண்டி சென்று வியாபாரம் செய்யும் வாய்ப்பு கிடைக்கும். புதிய வாடிக்கையாளர்கள் கிடைக்கப் பெறுவீர்கள். உத்யோகஸ்தர்களுக்கு மேலிடம் உங்களை நம்பி சில முக்கிய பொறுப்புகளை ஒப்படைப்பார்கள். அவற்றை சிறப்பாக செய்வதன் மூலம் உங்கள் முக்கியத்துவம் அனைவருக்கும் தெரியவரும். பெண்களுக்கு குடும்பத்தில் உங்களைப் புரிந்து நடந்து கொள்வது உங்களுக்கு ஆறுதலாக இருக்கும். உங்கள் குழந்தைகளுக்கு தேவையானதை செய்து கொடுத்து மகிழ்ச்சியடைவீர்கள்.
உங்களுக்கு 75% நல்ல பலன்கள் கிடைக்கும்.
+ குடும்பத்தில் மரியாதை கூடும்.
- நண்பர்களுடன் மனத்தாங்கல் வரும்.
பரிகாரம்:
தினமும் அம்பாளை வெள்ளை மலர் கொண்டு வழிபடவும். ஸ்ரீ ல்லிதாம்பிகையை போற்றி வழிபடுங்கள்.
அதிர்ஷ்ட ஹோரைகள்: சந்திரன், புதன், குரு
அதிர்ஷ்ட கிழமைகள்: வியாழன், வெள்ளி
திசைகள்: கிழக்கு, வடகிழக்கு
நிறங்கள்: மஞ்சள்
எண்கள்: 2, 3, 6
***************************
மகம்:
கேது பகவானை நட்சத்திர நாயகனாக கொண்ட மக நட்சத்திர அன்பர்களே!
இந்த குருபெயர்ச்சியால் உங்களுக்கு பாக்கியத்திற்கு குறைவிருக்காது. முக்கிய நிகழ்வுகளில் நீங்கள் தான் முக்கியஸ்தர்களாக இருப்பீர்கள். குடும்பத்தில் பாக்கியத்திற்குக் குறைவிருக்காது. திருமண யோகம்,. குழந்தை பாக்கியம், புது மனை வாங்குதல், வாகனம் வாங்குதல் போன்ற சுப காரியங்கள் வரிசையாக நடக்கும். பண வரவும் சீராக இருக்கும் என்பதால் அவற்றை சரியான முறையில் முதலீடு செய்யுங்கள். பிற்காலத்திற்கு உதவியாக இருக்கும். தொழிலில் சிறப்பான லாபத்தை அடையப் போகிறீர்கள். சரியான முறையில் முதலீடு செய்வீர்கள், உங்கள் லாபம் இரட்டிப்பாகும். சோம்பல் இன்றி உழைக்கும் எண்ணம் தோன்றும். இதனால் உற்பத்தி அதிகமாகும். உத்யோகஸ்தர்களுக்கு மேலிடத்துடன் இருந்த வந்த சில சச்சரவுகள் முடிவுக்கு வரும். பெண்களுக்கு கணவனுடன் இருந்துவந்த சில மனக்குழப்பங்கள் தீரும். மனதில் உற்சாகம் பிறக்கும்.
உங்களுக்கு 72% நல்ல பலன்கள் கிடைக்கும்.
+ புதியதாக இடம் வாங்குவீர்கள்
- அலைச்சல் அதிகரிக்கும்
பரிகாரம்:
தினமும் சூர்யபகவானை வழிபாடு செய்யுங்கள். சூரிய நம்ஸ்காரம் செய்யுங்கள்.
அதிர்ஷ்ட ஹோரைகள்: சூரியன், செவ்வாய், குரு
அதிர்ஷ்ட கிழமைகள்: செவ்வாய், புதன், வெள்ளி;
திசைகள்: தெற்கு, தென்கிழக்கு
நிறங்கள்: சிவப்பு, பச்சை
எண்கள்: 5, 6, 9
*************************
பூரம்:
சுக்ர பகவானை நட்சத்திர நாயகனாக கொண்ட பூர நட்சத்திர அன்பர்களே!
இந்த குருபெயர்ச்சியால் வாழ்வில் நிறைய அனுபவங்களை சந்திக்கப் போகிறீர்கள். பலரின் நட்பும் உங்களுக்கு கிடைத்து அதில் நல்ல காரியத்தனத்தையும் நிரூபிக்கப் போகிறீர்கள். குடும்பத்தில் திருமணத்திற்காக நீண்ட நாட்களாக காத்திருந்தவர்களுக்கு நல்ல வரன் அமையும். நீங்கள் எதிர்பார்த்திருந்ததை விட சிறப்பான வாழ்க்கை அமையும். தொழிலில் உங்களின் உயர்வு சிறப்பாக இருக்கும். தைரியமாக எதையும் கையாளுவீர்கள். மனதுக்குள் ஒரு இலக்கை வைத்து அதை நோக்கி ஓடுவீர்கள். உத்யோகஸ்தர்களுக்கு மேலிடம் உங்களின் மேல் வைத்திருந்த தவறான எண்ணத்தை மாற்றிக்கொள்ள வாய்ப்புகள் அமையும். பெண்களுக்கு நஷ்டத்தில் தொழில் செய்தவர்களுக்கு லாபம் கிடைக்கும். வேலை செய்யும் இடத்தில் இருந்து வந்த தொல்லைகள் அகலும். மாணவர்கள் பொது நிகழ்ச்சிகளில் கலந்து கொண்டு உங்கள் திறமையை வெளிக்காட்டுவீர்கள்.
உங்களுக்கு 78% நல்ல பலன்கள் கிடைக்கும்.
+ பொருளாதாரத்தில் ஏற்றம்
- உடல்நலத்தில் கவனம் தேவை
பரிகாரம்:
தினமும் சிவபெருமானை வழிபட்டு ந்ந்தி தேவரையும் தரிசனம் செய்யுங்கள்.
அதிர்ஷ்ட ஹோரைகள்: சூரியன், சுக்ரன், குரு
அதிர்ஷ்ட கிழமைகள்: ஞாயிறு, வியாழன்;
திசைகள்: மேற்கு, தென்மேற்கு
நிறங்கள்: சிவப்பு, நீலம்
எண்கள்: 1, 3, 6
********************
உத்திரம்:
சூர்ய பகவானை நட்சத்திர நாயகனாக கொண்ட உத்திர நட்சத்திர அன்பர்களே!
இந்த குரு பெயர்ச்சியால் நல்ல சுமூகமான வாழ்க்கையை வாழப் போகிறீர்கள். சுபச் செய்திகளும் வரலாம். உண்மையான உறவுகளுக்கு மதிப்பு கொடுத்து அவர்களை உங்கள் அருகில் வைத்துக் கொள்வீர்கள். குடும்பத்தில் சுமூகமான உறவு இருக்கும். இதனால் உங்களுக்குள் ஒரு தன்னம்பிக்கை பிறக்கும். இவை அனைத்தையும் நல்ல முறையில் பயன்படுத்துவது மிக முக்கியமானதாகும். தொழில் செய்பவர்களுக்கு சில சவாலான சூழ்நிலைகள் அமையும். ஆனாலும் குருபகவானின் துணையால் அதை சமாளித்து வெற்றி பெறுவீர்கள். இதனால் உங்கள் புகழ் மட்டுமின்றி தொழிலும் லாபத்தை நோக்கி உயரும். உத்யோகஸ்தர்களுக்கு வழக்குகள் உங்களுக்கு சாதகமாக அமையும். வர வேண்டிய பணம் வந்து சேரும். வேலையை இடையில் நின்றவர்கள் மீண்டும் தொடருவார்கள். பெண்களில் திருமணம் ஆகாதவர்களுக்கு திருமணம் நடக்கும். பயணத்தின் போது கவனமாக இருப்பது அவசியம். சோம்பல் நீங்கும்.
உங்களுக்கு 74% நல்ல பலன்கள் கிடைக்கும்.
+ மதிப்பு அதிகரிக்கும்
- உடற்சோர்வு ஏற்படும்
பரிகாரம்: பழைய கோவில்களுக்கு தீபமேற்றுவதற்கு எண்ணெய் வாங்கிக் கொடுங்கள்.
அதிர்ஷ்ட ஹோரைகள்: சூரியன், புதன்
அதிர்ஷ்ட கிழமைகள்: வியாழன், வெள்ளி;
திசைகள்: வடக்கு, வடமேற்கு, தென்மேற்கு
நிறங்கள்: வெள்ளை, மஞ்சள்
எண்கள்: 1, 3, 6
***************************
ஹஸ்தம்:
சந்திரனை நட்சத்திர நாயகனாக கொண்ட ஹஸ்த நட்சத்திர அன்பர்களே!
இந்த குரு பெயர்ச்சியால் பொதுவாக நிம்மதி கிடைக்கும். வாழ்க்கைத் துணையால் சில ஆதாயங்களையும் கிடைக்கப் பெறுவீர்கள். குடும்பத்தில் சிறு சிறு கருத்து வேறுபாடுகள், கணவன் - மனைவியிடையே சரியான புரிதல் இல்லாமை போன்ற பிரச்சனைகளை சந்தித்து வருகிறீர்கள். இவை அனைத்தும் இந்த குரு பெயர்ச்சிக்குப் பிறகு மாறும். உங்களுக்கு குடும்பத்தில் ஏற்பட்ட அவமானங்கள் மாறும். மனதில் நிம்மதி பிறக்கும். இதனால் நிம்மதியான தூக்கம் வரும். தொழிலில் முன்னேற்றம் உண்டாகும். தொழிலில் ஏற்பட்டிருந்த தொய்வுகள் அகலும். நிறைய போராட்டத்திற்கு பிறகு நல்ல செய்திகள் தொழிலில் கிடைக்கப் பெறுவீர்கள். உத்யோகஸ்தர்கள் தங்கள் உடன் பணி புரிபவர்களிடம் கவனமாகப் பழகவும். மற்றவர்களுக்கு வாக்கு கொடுக்கும் போதும் கவனம் அவசியம். பெண்களைப் பொறுத்த வரை வேலை செய்யும் பெண்கள் லாபமடைவார்கள்.
உங்களுக்கு 69% நல்ல பலன்கள் கிடைக்கும்.
+ பொறுப்புகள் அதிகரிக்கும்
- பேச்சில் நிதானம் அவசியம்
பரிகாரம்:
காமாட்சி அம்மனை வழிபட முன்னேற்றம் உண்டு.
அதிர்ஷ்ட ஹோரைகள்: சந்திரன், புதன், சுக்ரன்
அதிர்ஷ்ட கிழமைகள்: ஞாயிறு - செவ்வாய் - வியாழன்
திசைகள்: கிழக்கு, தென்மேற்கு
நிறங்கள்: சிவப்பு, மஞ்சள்
எண்கள்: 1, 3, 9
***************************
சித்திரை:
செவ்வாய் பகவானை நட்சத்திர நாயகனாக கொண்ட ரோகிணி சித்திரை அன்பர்களே!
இந்த குரு பெயர்ச்சியானது தொழிலில் ஏற்பட்ட தடங்கல்களை தகர்க்க அடிகோலாக அமையும். சில சவால்களையும் எதிர்கொள்ளத் தயாராகுங்கள். குடும்பத்தில் உங்கள் வாழ்க்கைத்துணை உங்களைப் புரிந்து நடந்து கொள்வார். தாய் தாய்வழி உறவினர்களிடையே இருந்த பிரச்சினைகள் அகலும். வீடு, வாகனம் வாங்கும் போது குடும்பத்தாருடன் ஆலோசித்து பின்பு முடிவெடுக்கவும்.. குடும்பத்துடன் சேர்ந்து சில ஆன்மிக ஸ்தலங்களுக்கு சென்று வருவீர்கள். தொழிலைப் பெருக்குவதற்கான நிதி வசதிகள் நிதி நிறுவனங்களிடமிருந்து கிடைக்கப் பெறுவீர்கள். புதிய தொழில் தொடங்குவதற்கான ஆர்வம் அதிகரிக்கும். லாபம் பெறுவதில் இருந்த தடங்கல்கள் மறைந்து நீங்கள் எதிர்பார்த்த லாபம் கிடைக்கும். உத்யோகஸ்தர்கள் நீங்களே முன் சென்று என்னால் செய்ய முடியும் என்று உறுதி கொடுக்காதீர்கள். உங்களுக்கென்று கொடுக்கும் வேலையைச் சரியாகச் செய்தாலே நலம்.
உங்களுக்கு 71% நல்ல பலன்கள் கிடைக்கும்.
+ சமயோசித புத்தி அதிகரிக்கும்
- சின்னச் சின்ன செலவுகளை சந்திக்க நேரிடலாம்பரிகாரம்:
பரிகாரம்:
திருச்செந்தூர் சென்று செந்தில் வேலவனை தரிசித்து வாருங்கள்.
அதிர்ஷ்ட ஹோரைகள்: செவ்வாய், புதன், சுக்ரன்
அதிர்ஷ்ட கிழமைகள்: திங்கள் - புதன் - வெள்ளி
திசைகள்: மேற்கு, வடக்கு
நிறங்கள்: வெள்ளை
எண்கள்: 2, 5, 6
*************************
சுவாதி:
ராகு பகவானை நட்சத்திர நாயகனாக கொண்ட சுவாதி நட்சத்திர அன்பர்களே!
இந்த குருபெயர்ச்சியானது உங்களுக்கு பலவிதமான லாபத்தை அள்ளித்தரப் போகிறது. அதற்கு உங்கள் முயற்சியை மேலும் இரட்டிப்பாக்குங்கள். குருபகவான் உங்களுக்கு நன்மையை அளிப்பார். குடும்பத்தில் தூர தேசத்திலிருந்து வரும் செய்திகளால் மனதிற்கு மகிழ்ச்சி ஏற்படும். தாயின் உடல் நலத்தில் அக்கறை செலுத்தினால் சிறு உடல் உபாதைகளை தவிர்க்கலாம். பிள்ளைகளின் வளர்ச்சி பற்றி அவ்வப்போது கவலை வந்து போகும். கணவன் – மனைவி அன்பு அதிகரிக்கும். தொழில் செய்து கொண்டிருந்தவர்களுக்கும், புதிதாக தொழில் தொடங்குவதற்க்கும் பண உதவிகள் கிடைக்கப் பெறுவீர்கள். உத்யோகஸ்தர்களுக்கு பண விஷயத்தைப் பொறுத்த வரை கவலை வேண்டாம். அலுவலகத்தில் உங்களுக்கு வர வேண்டிய பணம் வந்து சேரும். உங்கள் சேமிப்பும் அதிகரிக்கும். பெண்கள் குடும்பத்தில் இருந்த பணப்பிரச்சனைகள் குறையும்.
உங்களுக்கு 68% நல்ல பலன்கள் கிடைக்கும்.
+ காரியங்களில் சாதகமான பலன் கிடைக்கும்
- அலைச்சல் உண்டாகலாம்
பரிகாரம்: பெருமாள் கோவிலுக்கு சென்று ஸ்ரீநரசிம்மரை வழிபட்டு நெய் தீபம் ஏற்றுங்கள்.
அதிர்ஷ்ட ஹோரைகள்: குரு, சுக்ரன்
அதிர்ஷ்ட கிழமைகள்: திங்கள் - புதன் - வெள்ளி
திசைகள்: வடக்கு, மேற்கு
நிறங்கள்: வெள்ளை, பச்சை
எண்கள்: 2, 5, 6
**************************
விசாகம் :
குரு பகவானை நட்சத்திர நாயகனாக கொண்ட விசாக நட்சத்திர அன்பர்களே!
இந்த குருபெயர்ச்சியால் பலவித நன்மைகள் உங்கள் வாழ்வில் நடக்கப் போகிறது. உத்தியோகம் தொடர்பான பிரச்சினைகள் அகலும். குடும்பத்தை பொறுத்தவரை கணவன் - மனைவிக்கிடையே இருந்த பிரச்சினைகள் விலகி இன்பமாக வாழ வழிபிறக்கும். இளைய சகோதரர்களிடையே இருந்த சண்டைகள், பிளவுகள் காணாமல் போகும். நீண்ட நாட்களாக வர இருந்த பணவரவுகள் இப்போது வரலாம். தாயாரின் அன்பு அதிகரிக்கும். தொழிலைப் பொறுத்தவரை சற்று மந்தநிலை காணப்பட்டாலும் சில வெற்றிகள் உண்டாகும். தந்தையார் தொழிலை கவனித்து வரும் அன்பர்களுக்கு நல்ல லாபம் உண்டாக்கும். உத்தியோகஸ்தர்களுக்கு வீண் பிரச்சினைகள் வந்து போகும். நம்பிக்கையாக யாரிடமும் எதையும் சொல்ல வேண்டாம். வேலை நிமித்தமாக வெளியூர் பயணம் சென்றுவர வேண்டியிருக்கும். திருமண வயதில் உள்ளவர்களுக்கு நல்ல இடத்திலிருந்து வரன்கள் அமையப் பெறுவீர்கள். வேலைக்குச் செல்பவர்கள் அதிகமாக உழைக்க வேண்டி வரலாம்.
உங்களுக்கு 65% நல்ல பலன்கள் கிடைக்கும்.
+ செயல் திறன் அதிகரிக்கும்
- குடும்பத்தில் திடீர் பிரச்சனை தலை தூக்கும்
பரிகாரம்: குருபகவானுக்கு முல்லை மலர் சாற்றி வழிபட மேன்மை உண்டாகும்.
அதிர்ஷ்ட ஹோரைகள்: செவ்வாய், குரு
அதிர்ஷ்ட கிழமைகள்: திங்கள் - வியாழன் - வெள்ளி
திசைகள்: மேற்கு, தெற்கு
நிறங்கள்: வெள்ளை, நீலம்
எண்கள்: 2, 6, 9
*********************
அனுஷம்:
சனி பகவானை நட்சத்திர நாயகனாக கொண்ட அனுஷ நட்சத்திர அன்பர்களே!
இந்த குருபெயர்ச்சியால் உங்கள் வாழ்வில் சந்தோசமும், முன்னேற்றமும் அடையப் போகிறீர்கள். சிலர் வாழ்வில் முக்கிய கட்டங்களை சந்திக்க போகிறீர்கள். குடும்பத்தில் தந்தை வழியே வர வேண்டிய சொத்துகள், பிதுர் ராஜ்ஜிய சொத்துகளிலிருந்த பாகப் பிரிவினைகள் போன்றவை எந்த பிரச்சினையின்றி தீரும். வழக்குகள் ஏதாவது நடைபெற்றுக் கொண்டிருக்குமாயின் அது இந்த குருபெயர்ச்சிக்கு பிறகு உங்களுக்கு சாதகாம தீர்ப்புகள் வரும். அதுவரை பொறுமையாக இருந்து அனைவரின் ஒத்துழைப்பையும் பெறுவீர்கள். தொழில் செய்பவர்கள் சில முக்கிய முடிவுகளை தந்தையின் ஆலோசனையின்படி கேட்டு முடிவு எடுப்பது உங்களுக்கு நன்மையைத் தரும். வீண் செலவுகளைத் தவிருங்கள். உத்தியோகஸ்தர்களில் வெளிநாடுகளுக்கு செல்ல நினைக்கும் அன்பர்கள் இப்போது அதற்கான முயற்சியை மேற்கொள்ளுங்கள். சக நண்பர்களின் ஆதரவு கிடைக்கும். பெண்களுக்கு பெற்றோர் வகையில் ஆதாயம் உண்டு. கணவரிடம் அன்யோன்யம் அதிகரிக்கும்.
உங்களுக்கு 72% நல்ல பலன்கள் கிடைக்கும்.
+ எதிர்ப்புகள் விலகும்
- நட்பு ரீதியில் நிதானத்தைக் கடைபிடிப்பது நன்மையைத் தரும்
பரிகாரம்: நவகிரகங்களை வழிபட்டு ஒன்பது முறை வலம் வர இன்னல்கள் மறையும்.
அதிர்ஷ்ட ஹோரைகள்: செவ்வாய், குரு
அதிர்ஷ்ட கிழமைகள்: ஞாயிறு - செவ்வாய் - வியாழன்
திசைகள்: கிழக்கு, தெற்கு
நிறங்கள்: வெள்ளை, மஞ்சள்
எண்கள்: 1, 3, 9
*********************
கேட்டை:
புத பகவானை நட்சத்திர நாயகனாக கொண்ட கேட்டை நட்சத்திர அன்பர்களே!
இந்த குருபெயர்ச்சி உங்களுக்கு எல்லாவித வளங்களையும் பெற குருபகவான் அருள் செய்கிறார். வாழ்வில் முக்கியமான கட்டங்களை தெரிந்து கொள்வீர்கள். குடும்பத்திலிருப்பவர்கள் அனைவரும் உங்கள் பேச்சுக்கு மிக முக்கியத்துவம் கொடுப்பார்கள். நீண்ட நாட்களாக குழந்தை பாக்கியம் இல்லாமல் இருந்தவர்களுக்கு இப்போது அதற்கான பாக்கியம் கிட்டும். வாழ்வில் அவரவர் வயதிற்கு ஏற்ப நன்மைகள் நடைபெற்றுக் கொண்டிருக்கும். தொழில் செய்பவர்களுக்கு அதிக லாபம் இல்லை என்றாலும் நஷ்டமும் இருக்காது. நம்பிக்கையானவர்களை உடன் வைத்துக் கொள்வது உங்களையும் உங்கள் தொழிலையும் காப்பாற்றும். ஏற்றுமதி – இறக்குமதி தொழில் சிறப்பாக நடைபெறும். உத்தியோகஸ்தர்கள் மேலதிகாரிகளின் பாராட்டுகள் கிடைப்பதற்காக அதிகமான வேலைப்பளுவை இழுத்துப் போட்டுக் கொண்டு செய்வீர்கள். வேலைக்கு செல்லும் பெண்களுக்கு வேலைப்பளு அதிகமாக இருக்கும். தந்தையாரின் அன்பு அதிகரிக்கும்.
உங்களுக்கு 69% நல்ல பலன்கள் கிடைக்கும்.
+ நண்பர்கள் மத்தியில் மதிப்பு கூடும்
- காரிய தடைதாமதம் ஏற்படும்
பரிகாரம்: கந்தர் ச்ஷ்டி கவசம் சொல்லி முருகப் பெருமானை வழிபடுங்கள். ஏழை எளியோருக்கு உதவுங்கள்.
அதிர்ஷ்ட ஹோரைகள்: புதன், குரு, சுக்ரன்
அதிர்ஷ்ட கிழமைகள்: புதன், வெள்ளி
திசைகள்: தெற்கு, தென்கிழக்கு
நிறங்கள்: பச்சை, வெள்ளை
எண்கள்: 5, 6
*****************************
மூலம்:
கேது பகவானை நட்சத்திர நாயகனாக கொண்ட மூல நட்சத்திர அன்பர்களே!
இந்த குருபெயர்ச்சி உங்களுக்கு சுப விரயங்களைத்தான் ஏற்படுத்தும். புதிய வீடு கட்டி குடி பெயருவீர்கள். இல்லத்தில் சுப நிகழ்வுகள் அதிகமாக நடைபெறும். குடும்பம் அமைதியாகவும், நிம்மதியாகவும் இருக்கும். தந்தையாரின் உடல் நலனில் அக்கறை காட்டுங்கள். தந்தை வழி சொத்துகளில் இருந்து வந்த பிரச்சினைகள் மட்டும் அவ்வப்போது வந்து போகும். நீண்ட நாட்களுக்குப் பிறகு உறவினர் ஒருவர் வீட்டிற்கு வருவார். தொழிலில் இருந்து வந்த தடைகள் அகலும். உங்களுக்கு கிடைக்க வேண்டிய நியாயமான லாபத்தை குரு பகவான் வாரி வழங்கி விடுவார். புதுத் தொழிலில் ஆர்வம் அதிகரிக்கும். வாகனப் பழுதுகள் வரலாம். உத்யோகஸ்தர்களுக்கு இந்த குரு பெயர்ச்சி சாதகமாகவே இருக்கும். வேலையில் இருந்து வந்த பிரச்சனைகள் நீங்கும். உடன் பணிபுரிபவர்களுடன் இருந்து வந்த மன வருத்தங்கள் அகலும். பெண்களுக்கு சோம்பல் குறையும். உடலில் இருந்து வந்த சில குறைபாடுகளும் அகலும். அதனால் உற்சாகத்துடன் செயல்படுவீர்கள்.
உங்களுக்கு 75% நல்ல பலன்கள் கிடைக்கும்.
+ கடன்கள் பைசலாகும்
- வாகனங்களில் செல்லும் போது கவனம் தேவை.
பரிகாரம்: குருவாயூர் சென்று குருவாயூரப்பனை தரிசித்து வாருங்கள்.
அதிர்ஷ்ட ஹோரைகள்: செவ்வாய், குரு
அதிர்ஷ்ட கிழமைகள்: வியாழன், வெள்ளி
திசைகள்: மேற்கு, வடமேற்கு
நிறங்கள்: வெள்ளை, மஞ்சள்
எண்கள்: 3, 6, 9
*************************
பூராடம் :
சுக்ர பகவானை நட்சத்திர நாயகனாக கொண்ட பூராட நட்சத்திர அன்பர்களே!
இந்த குருபெயர்ச்சி எதையும் யோசனையுடன் செயல் படுவதற்கு அறிவுறுத்தும். நல்ல புத்தி கூர்மை ஏற்படுவதற்கு குருபகவான் வழிவகை செய்வார். குடும்பத்தில் பழைய கடன்கள் அடைக்கப் பெறுவீர்கள். எதிரிகளின் தொல்லை அறவே நீங்கும், அவர்கள் இருந்த இடம் தெரியாமல் போய்விடுவார்கள். உங்கள் பேச்சு முக்கியத்துவம் வாய்ந்ததாக இருக்கும். தொழிலுக்கு தேவையான நிதி உதவிகள் தாராளமாக கிடைக்கும். உங்கள் உடல் நிலையால் சில காரியங்களைத் தள்ளிப்போட்டு வந்த நிலை மாறி சுறுசுறுப்புடன் செயல்பட்டு அனைத்து காரியங்களையும் செய்வீர்கள். வர வேண்டிய பாக்கிகள் வசூலாகும். தொழிலாளர்கள் பிரச்சினைகள் வராமல் பார்த்துக் கொள்வீர்கள். உத்யோகஸ்தர்களுக்கு உடல் ஆரோக்கிய குறைவு அல்லது சில பிரச்சனைகளால் வேலைக்குச் செல்லாமல் இருந்தவர்கள் இப்போது வேலைக்குச் செல்வார்கள். பெண்களுக்கு உங்களை அவமதித்தவர்கள் உங்களைப் புரிந்து கொள்வார்கள். மன்னிப்பும் கேட்பார்கள். ஓய்வில்லாமல் உழைக்க நேரிடலாம்.
உங்களுக்கு 72% நல்ல பலன்கள் கிடைக்கும்.
+ கணவன், மனைவிக்கிடையே மகிழ்ச்சி நீடிக்கும்.
- எதிர்பாராத தடங்கல்கள் வரலாம்
பரிகாரம்: குடும்பத்தில் அமைதி உண்டாக தியானம், யோகா போன்றவற்றை செய்யுங்கள்.
அதிர்ஷ்ட ஹோரைகள்: சுக்ரன், குரு
அதிர்ஷ்ட கிழமைகள்: செவ்வாய், வெள்ளி
திசைகள்: வடக்கு, வடகிழக்கு
நிறங்கள்: சிவப்பு, வெள்ளை
எண்கள்: 6, 9
****************************
உத்திராடம்:
சூர்ய பகவானை நட்சத்திர நாயகனாக கொண்ட உத்திராட நட்சத்திர அன்பர்களே!
இப்போதைய குரு பகவான் மாற்றத்தால் உடல்நிலையில் நல்ல முன்னேற்றம் அடையப் போகிறீர்கள். சிலருக்கு நல்ல வேலை மாற்றம், தொழில் மாற்றம் வரப் போகிறது. குடும்பத்தில் இவ்வளவு காலமாக நோய்வாய்ப்பட்டு இருந்தவர்களுக்கு இப்போது முன்னேற்றம் உண்டாகும். தந்தையுடன் கருத்து வேறுபாடுகள் வந்து போகும். குடும்பத்திற்கு தேவையானவற்றை வாங்கி மகிழ்வீர்கள். தொழில் சூடு பிடிக்கும். லாபமடைவீர்கள். வீண் அலைச்சல் இருந்து கொண்டே இருந்த நிலை மாறும். வர வேண்டிய பணம் வந்து சேரும். உத்யோகஸ்தர்களுக்கு வேலை இடத்தில் ஏற்பட்டு வந்த சில தொடர் பிரச்சனைகள் இப்போது முடிவுக்கு வரும். வேலையை விட்டவர்களும் இப்போது தொடருவார்கள். பெண்களுக்கு புத்திர பாக்கியம் மற்றும் திருமணத்தில் இருந்த தடைகள் விலகும். நீண்ட நாட்களாக செல்ல வேண்டும் என்று இருந்த ஆன்மீக தலங்களுக்குச் சென்று வருவீர்கள்.
உங்களுக்கு 69% நல்ல பலன்கள் கிடைக்கும்.
+ பணவரத்து திருப்தி தரும்
- திடீரென்று கோபம் வரும்
பரிகாரம்: முன்னோர் வழிபாடு செய்வது நல்லது. குல தெய்வ கோவிலுக்கு சென்று வருவதும் நல்லது.

அதிர்ஷ்ட ஹோரைகள்: சூரியன், குரு
அதிர்ஷ்ட கிழமைகள்: ஞாயிறு, வியாழன்
திசைகள்: கிழக்கு, தென்கிழக்கு
நிறங்கள்: வெள்ளை, மஞ்சள்
எண்கள்: 1, 3, 6
************************
திருவோணம்:
சந்திரனை நட்சத்திர நாயகனாக கொண்ட திருவோண நட்சத்திர அன்பர்களே!
இந்த குருபெயர்ச்சி உங்கள் வாழ்வில் ஒவ்வொரு பொன்னான தருணத்தையும் உங்களுக்கு உணர்த்தும். குடும்பத்தில் இருந்த பிரச்சனைகள் குறையும். பூர்வீக சொத்துக்களில் இருந்து வந்த பிரச்சனைகள் குறையும். அது சம்பந்தமான வழக்குகள் உங்களுக்குச் சாதகமாக முடியும். கணவன் - மனைவி இடையே இருந்த மனஸ்தாபங்கள் அகலும். தொழில் - வியாபாரம் எப்போதும் போல் இருக்கும் என்றாலும் உங்களின் இடைவிடாத முயற்சியால் லாபம் பெறலாம். எதிர்பார்த்த லாபம் இல்லை என்று மனம் கலங்க வேண்டாம். நஷ்டம் இல்லாமல் தொழில் செய்ய குரு பகவான் அருள் புரிவார். உத்யோகஸ்தர்களுக்கு அதிர்ஷ்டத்தால் சில வாய்ப்புகள் கிடைக்கும். வெளியில் கொடுத்த பணம் சில அலைச்சல்களுக்குப் பின் கிடைக்கும். பெண்களுக்கு திருமண வாழ்க்கையில் இருந்து வந்த பிரச்சனைகள் தீரும். கணவன் உங்களைப் புரிந்து கொண்டு நடப்பது உங்களுக்கு மன மகிழ்ச்சியைத் தரும்.
உங்களுக்கு 68% நல்ல பலன்கள் கிடைக்கும்.
+ செய்யும் காரியத்தில் மனதிருப்தி கிடைக்கும்.
- பணம் பரிவர்த்தனையில் கவனம் தேவை.
பரிகாரம்: விநாயகர் அகவல் சொல்லி விநாயகரை வணங்கி பதினொரு முறை வலம் வரவும்.
அதிர்ஷ்ட ஹோரைகள்: சந்திரன், செவ்வாய், சுக்ரன்
அதிர்ஷ்ட கிழமைகள்: வியாழன், வெள்ளி
திசைகள்: தெற்கு, தென்கிழக்கு
நிறங்கள்: வெளிர் நீலம், மஞ்சல்
எண்கள்: 3, 5, 6
*********************
அவிட்டம்:
செவ்வாய் பகவானை நட்சத்திர நாயகனாக கொண்ட அவிட்ட நட்சத்திர அன்பர்களே!
இந்த குருபெயர்ச்சியால் உங்கள் சந்த்திகளுக்கு வேண்டியதைச் செய்ய அருள் புரிகிறார். நீண்ட நாட்களாக அவர்கள் விரும்பியதை செய்யப் போகிறீர்கள். குடும்பத்தில் பிள்ளைகள் உங்கள் சொல்படி கேட்பார்கள். உங்களுக்கு பெருமை சேர்க்கும் வகையில் நடந்து கொள்வார்கள். திருமணத்தடை நீங்கும். குழந்தை பாக்கியம் கிடைக்கும். நீண்ட நாட்களாக தடைபட்டிருந்த விசயங்கள் இப்போது நடைபெறும். தொழில் செய்பவர்கள் தேவையில்லாமல் உங்கள் தொழில் ரகசியங்களை யாரிடமும் பகிர்ந்து கொள்ள வேண்டாம். புதிய ஆட்களை நம்பி அதிக முதலீடு செய்ய வேண்டாம். உத்யோகஸ்தர்கள் சக ஊழியருடன் தேவையில்லாத வாக்கு வாதங்களில் ஈடுபடவேண்டாம். கிடைக்கும் நேரத்தை பயனுள்ளதாக கழிப்பதன் மூலம் தேவையில்லாத பிரச்சனைகளில் இருந்து விடுபடலாம். பெண்களில் குழந்தை இல்லாதவர்களுக்கு குழந்தை பாக்கியம் கிடைக்கும்.
உங்களுக்கு 72% நல்ல பலன்கள் கிடைக்கும்.
+ உடல் ஆரோக்கியம் உண்டாகும்.
- பேச்சில் கவனம் தேவை.
பரிகாரம்: ஸ்ரீ கனகதார ஸ்தோத்திரம் சொல்லி அர்ச்சனை செய்யுங்கள்.
அதிர்ஷ்ட ஹோரைகள்: செவ்வாய், சுக்ரன்
அதிர்ஷ்ட கிழமைகள்: திங்கள், வியாழன், வெள்ளி
திசைகள்: மேற்கு, தென்மேற்கு
நிறங்கள்: நீலம், மஞ்சள்
எண்கள்: 2, 3, 6
***********************
சதயம்:
ராகு பகவானை நட்சத்திர நாயகனாக கொண்ட சதய நட்சத்திர அன்பர்களே!
குருபகவானின் அருளால் உங்களுக்கு வாழ்க்கையில் கிடைக்க வேண்டிய அனைத்தும் தவறாமல் கிடைப்பதற்கு வழி செய்யப் போகிறார். முக்கிய தருணங்கள் வாழ்வில் வரும் போது தெய்வ நம்பிக்கையுடன் அதை நாடுங்கள். வெற்றி நிச்சயம். குடும்பத்தில் மற்றவர்களிடம் தேவையில்லாமல் கருத்து சொல்வதை தவிர்ப்பது நல்லது. தாய் வழி உறவினர்களுடன் கொஞ்சம் தள்ளி இருப்பது நல்லது. மன சங்கடங்கள் வர வாய்ப்பு உள்ளது. பூர்வீக சொத்துக்கள் கைக்குக் கிடைக்கும். தொழிலில் நீங்கள் கவனமுடன் செயல்பட்டால் எந்த வித நஷ்டமும் இல்லாமல் இருக்கும். மற்றவர்களை தொழிலில் ஈடுபடுத்தும் போது உங்கள் கண் பார்வையில் அவர்களை வைப்பது நல்லது. உத்யோகஸ்தர்களுக்கு முக்கிய விஷயங்களில் அனைவரிடமும் கருத்து கேட்டாலும் தீர ஆலோசித்து முடிவெடுப்பது உங்களுக்கு வெற்றியைத் தரும். பெண்களுக்கு கணவனுடனான மனவருத்தங்கள் நீங்கும்.
உங்களுக்கு 76% நல்ல பலன்கள் கிடைக்கும்.
+ அரசாங்க காரியங்கள் சாதகமாக பலன் தரும்.
- உடல் ஆரோக்கியத்தில் கவனம் தேவை.
பரிகாரம்: ஸ்ரீ லஷ்மி ஸகஸ்ரநாமத்தை உச்சரித்து வாருங்கள். தாமரை மலர் கொண்டு அர்ச்சனை செய்யுங்கள்.
அதிர்ஷ்ட ஹோரைகள்: புதன், சுக்ரன்
அதிர்ஷ்ட கிழமைகள்: ஞாயிறு, செவ்வாய், வியாழன்
திசைகள்: வடக்கு, வடகிழக்கு
நிறங்கள்: வெள்ளை, சிவப்பு
எண்கள்: 1, 3, 9
**************************
பூரட்டாதி:
குரு பகவானை நட்சத்திர நாயகனாக கொண்ட பூரட்டாதி நட்சத்திர அன்பர்களே!
இந்த குருபெயர்ச்சி உங்களுக்கு எல்லா வித இன்னல்களையும் களையப் போகிறது என்பதில் எந்த ஐயமும் உங்களுக்கு வேண்டாம். வழக்கு விவகாரங்களில் உங்களுக்குத் தான் வெற்றி நிச்சயம். குடும்பத்தில் இதுவரை இருந்து வந்த பிரச்சனைகள் மறையும். உங்கள் பேச்சைக் கேட்காதவர்களும் உங்களிடம் ஆலோசனை கேட்பார்கள். தாயார் தாய் வழி உறவினர்கள் உங்களுடன் உறவாட வரலாம். அவர்களுடனான பிரச்சனைகள் அனைத்தும் தீரும். தொழில் - வியாபாரத்தைப் பொறுத்தவரை சில புதிய முதலீடுகளைச் செய்வீர்கள். அவை பிற்காலத்தில் லாபம் தரக்கூடியனவாகவே இருக்கும். கவலை வேண்டாம். நீங்கள் எதிர்பார்த்திருந்த கடன் கிடைக்கும். உத்யோகஸ்தர்களுக்கு லாபமான காலமாக இருக்கும். எதிர்பார்த்திருந்த இடமாற்றம் கிடைக்கும். குடும்பத்தை விட்டு பிரிந்து சில காலம் வெளியூரில் தங்க நேரிடலாம். பெண்களுக்கு காரியங்களில் வெற்றி கிடைக்கும். தாய் வழி உதவிகள் கிடைக்கப் பெறுவீர்கள்.
உங்களுக்கு 71% நல்ல பலன்கள் கிடைக்கும்.
+ எதிர்ப்புகள் விலகும்.
- வீண் அலைச்சலை சந்திக்க வேண்டி இருக்கும்.
பரிகாரம்:
வியாழன் தோறும் நெய்விளக்கேற்றி குருபகவானை வழிபடவும். மஞ்சள் நிற வஸ்திரம் சாற்றுங்கள்.
அதிர்ஷ்ட ஹோரைகள்: குரு, சுக்ரன்
அதிர்ஷ்ட கிழமைகள்: திங்கள், வெள்ளி
திசைகள்: தெற்கு, தென்மேற்கு
எண்கள்: 2, 3, 6
நிறங்கள்: வெள்ளை, பச்சை
*******************
உத்திரட்டாதி:
சனி பகவானைநட்சத்திர நாயகனாக கொண்ட உத்திரட்டாதி நட்சத்திர அன்பர்களே!
இந்த குருபெயர்ச்சி உங்கள் வாழ்வில் மறுமலர்ச்சியை ஏற்படுத்தும் குருபகவானை நீங்கள் தொடர்ந்து வழிபட வாழ்வில் முன்னேற்றத்தைக் காண முடியும். குடும்பத்தில் தாயின் உடல் நிலையில் இருந்து வந்த பிரச்சனைகள் அனைத்தும் சரியாகும். உங்கள் மனதில் இருந்து வந்த சந்தேகங்களுக்கு விடை கிடைக்கும். வீட்டிற்குத் தேவையான பொருட்களை வாங்கி மகிழ்வீர்கள். ஆடை ஆபரணச் சேர்க்கை உண்டு. தொழில் செய்பவர்கள் தொழிலை விரிவு செய்வீர்கள். உங்களுக்குப் போட்டியாக இருந்தவர்கள் அனைவரும் விலகி விடுவார்கள். புதிய கட்டிடங்கள் கட்டுதல், பெரிய கடைகளை வாடகைக்கு எடுத்தல் போன்ற செலவுகள் உண்டாகும். உத்யோகஸ்தர்களுக்கு உடல் நிலையில் இருந்து வந்த பின்னடைவு சரியாகும். சக பணியாளர்களால் ஏற்பட்ட சில அவமதிப்புகள் சரியாகும். பெண்களில் சிலர் தீராத நோயினால் அவதிப்பட்டவர்களுக்கு தீர்வு கிடைக்கும். வேலை செய்பவர்களுக்கு சலுகைகள் கிடைக்கும்.
உங்களுக்கு 68% நல்ல பலன்கள் கிடைக்கும்.
+ பயணங்கள் வெற்றியை தரும்.
- மனம் ஒரு நிலைப்படாது.
பரிகாரம்: துளசிமாலை சாற்றி பெருமாளுக்கு தயிர்சாதம் நைவேத்யம் செய்யுங்கள்.
அதிர்ஷ்ட ஹோரைகள்: செவ்வாய், சுக்ரன், குரு
அதிர்ஷ்ட கிழமைகள்: புதன், வெள்ளி
திசைகள்: மேற்கு, வடக்கு
எண்கள்: 2, 5, 6
நிறங்கள்: பச்சை, வெள்ளை
****************************
ரேவதி:
புத பகவானை நட்சத்திர நாயகனாக கொண்ட ரேவதி நட்சத்திர அன்பர்களே!
இக் குருபெயர்ச்சியால் ஆனந்தமாகவும், எதிர்காலத்தில் சுபிட்சமாகவும் இருக்க குருபகவானின் பார்வை உங்களுக்கு கிடைக்கப் போகிறது. குடும்பத்தில் சுப விரையங்களான வீடு, மனை, வாகனம், திருமணம் போன்ற செலவுகள் இருக்கும். எதிர்பார்க்காமல் சில செலவுகள் உண்டாகும் என்றாலும் அவை அனைத்தும் முதலீடுகளே. முக்கிய முடிவுகளை குடும்பத்தில் நீங்களே எடுப்பீர்கள். தொழிலில் உங்கள் காரியங்களுக்குத் தடையாக இருந்தவர்கள் அனைவரும் விலகி விடுவார்கள். நீங்கள் நிம்மதியாக தொழிலில் முன்னேறலாம். பழைய பாக்கிகள் வருவதற்கு நீங்கள் நிறைய நடக்க வேண்டி வரலாம். உத்யோகஸ்தர்களுக்கு மற்றவர்கள் உங்களைப் புரிந்து கொள்வார்கள். சிலருக்கு எதிர்பார்த்திருந்த கடன் தொகை கிடைக்கும். அவற்றை சுப காரியங்களுக்குப் பயன்படுத்துவீர்கள். உடன் பணிபுரிபவர்களிடம் இருந்து வந்த கருத்து வேறுபாடுகள் மறையும். பெண்கள் நீங்கள் விரும்பிய பொருட்களை வாங்கி மகிழ்வீர்கள்.
உங்களுக்கு 72% நல்ல பலன்கள் கிடைக்கும்.
+ பணச்சிக்கல் தீரும்.
- வாக்குறுதிகளை தவிர்க்கவும்.
பரிகாரம்: உங்கள் ஜென்ம நட்சத்திர நாளில் சென்று அர்ச்சனை செய்து குருபகவானை வழிபடவும்.
அதிர்ஷ்ட ஹோரைகள்: புதன், குரு, சுக்ரன்
அதிர்ஷ்ட கிழமைகள்: திங்கள், வியாழன்
திசைகள்: வடக்கு, வடகிழக்கு
எண்கள்: 2, 3, 9
நிறங்கள்: வெள்ளை, நீலம்

- 4தமிழ்மீடியாவுக்காக: பெருங்குளம் ராமகிருஷ்ணன் ஜோஸ்யர் MCA, MA(Ast)

உங்கள் ஜாதகத்தினடிப்படையிலான பிரத்தியேக பலன்களை கட்டண சேவை மூலம் அறிந்து கொள்ளலாம்.  ஜோதிடருன் தொடர்பு கொள்ள வேண்டிய மின்னஞ்சல் முகவரி: இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.