counter create hit 3வது டெஸ்ட் போட்டி - 9 விக்கெட்டுகள் வித்தியாசத்தில் இந்தியாவை வீழ்த்தி, உலக டெஸ்ட் சாம்பியன் இறுதி போட்டிக்கு ஆஸ்திரேலியா தகுதி!

3வது டெஸ்ட் போட்டி - 9 விக்கெட்டுகள் வித்தியாசத்தில் இந்தியாவை வீழ்த்தி, உலக டெஸ்ட் சாம்பியன் இறுதி போட்டிக்கு ஆஸ்திரேலியா தகுதி!

விளையாட்டு
Typography
  • Smaller Small Medium Big Bigger
  • Default Helvetica Segoe Georgia Times
இந்தியா-ஆஸ்திரேலியா அணிகள் மோதிய 3-வது டெஸ்ட் கிரிக்கெட் போட்டி மத்திய பிரதேச மாநிலம் இந்தூரில் நடந்தது.
இந்தியா முதல் இன்னிங்சில் 109 ரன்னில் சுருண்டது. ஆஸ்திரேலியா முதல் இன்னிங்சில் 197 ரன் எடுத்தது.
உஸ்மான் கவஜா 60 ரன்னும் , லபுஷேன் 31 ரன்னும் எடுத்தனர். ஜடேஜா 4 விக்கெட்டும் , அஸ்வின் , உமேஷ் யாதவ் தலா 3 விக்கெட் கைப்பற்றினார்கள்.

88 ரன்கள் பின்தங்கிய நிலையில் இந்தியா 2-வது இன்னிங்சை ஆடியது. முதல் இன்னிங்சை போலவே இந்த இன்னிங்சிலும் இந்திய பேட்ஸ்மேன்கள் சொதப்பினார்கள். 2-வது இன்னிங்சில் 60.3 ஓவர்களில் 163 ரன்னில் சுருண்டது. இதனால் ஆஸ்திரேலியாவுக்கு 76 ரன்னே இலக்காக இருந்தது.

புஜாரா அதிகபட்சமாக 59 ரன்னும் , ஸ்ரேயாஸ் அய்யர் 26 ரன்னும் எடுத்தனர். நாதன் லயன் அபாரமாக பந்து வீசி 64 ரன் கொடுத்து 8 விக்கெட் சாய்த்தார். ஸ்டார்க் , மேத்யூ குனமேன் தலா 1 விக்கெட்டும் வீழ்த்தினார்கள்.

இன்று 3-வது நாள் ஆட்டம் நடந்தது. 76 ரன் எடுத்தால் வெற்றி என்ற எளிதான இலக்குடன் ஆஸ்திரேலியா 2-வது இன்னிங்சை ஆடியது. உஸ்மான் கவாஜாவும், டிரெவிஸ் ஹெட்டும் தொடக்க வீரர்களாக களம் இறங்கினார்கள்.

ஆஸ்திரேலியாவுக்கு முதல் ஓவரிலேயே இந்தியா அதிர்ச்சி கொடுத்தது. அஸ்வின் வீசிய ஆட்டத்தின் 2-வது பந்திலேயே உஸ்மான் காவாஜா ரன் எதுவும் எடுக்காமல் பெவிலியன் திரும்பினார்.

ஆனால், அடுத்து வந்த லபுஷேனும், ஹெட்டும் அபாரமாக விளையாடி ஆஸ்திரேலிய அணியை வெற்றிப்பாதைக்கு அழைத்துச்சென்றனர்.
இறுதியில் ஆஸ்திரேலிய அணி 18.5 ஓவர்களில் 1 விக்கெட் மட்டும் இழந்து இலக்கை கடந்து 9 விக்கெட் வித்தியாசத்தில் வெற்றி பெற்றது.

டிரெவிஸ்ஹெட் 49 ரன்னும், லபுஷேன் 28 ரன்னும் எடுத்து ஆட்டம் இழக்காமல் இருந்தனர்.

இந்த வெற்றி மூலம் ஆஸ்திரேலியா உலக டெஸ்ட் சாம்பியன் இறுதி போட்டிக்கு தகுதி பெற்றது.

இந்தியா-ஆஸ்திரேலியா அணிகள் மோதும் 4-வது மற்றும் கடைசி டெஸ்ட் வருகிற 9-ந்தேதி அகமதாபாத்தில் தொடங்குகிறது.

Comments powered by CComment

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.