8வது மகளிர் 20 ஓவர் உலகக் கோப்பை கிரிக்கெட் போட்டி தென்ஆப்பிரிக்காவில் கடந்த 10ம் தேதி தொடங்கியது.
டாஸ் வென்ற ஆஸ்திரேலியா அணி கேப்டன் பேட்டிங் தேர்வு செய்தார். அதன்படி பேட்டிங் செய்த ஆஸ்திரேலிய அணி 20 ஓவர்கள் முடிவில் 6விக்கெட் இழப்பிற்கு 156ரன்கள் எடுத்தது. அந்த அணியில் அதிரடியாக விளையாடிய பெத் மூனே 53பந்துகளில் 74 ரன்கள் எடுத்தார்.அலிசா ஹீலி 18 ரன்களும் , ஆஷ்லே கார்ட்னர் 29ரன்களும் எடுத்தனர் . தென் ஆப்பிரிக்கா சார்பில் ஷபின் இஸ்மாயில் ,மரிசான் கேப் ஆகியோர்2 விக்கெட்டுகள் வீழ்த்தினார்.தொடர்ந்து 157ரன்கள் இலக்குடன் தென் ஆப்பிரிக்கா விளையாடியது.
இதையடுத்து 157 ரன்கள் எடுத்தால் வெற்றி என்ற இலக்குடன் களமிறங்கிய தென் ஆப்பிரிக்கா அணியின் துவக்க வீராங்கனை லாரா வால்வார்ட், ஆஸ்திரேலிய பந்துவீச்சை நேர்த்தியாக எதிர்கொண்டு ரன் குவித்தார். மறுமுனையில் டாஸ்மின் பிரிட்ஸ் 10 ரன்கள், மரிசான் கேப் 11 ரன், கேப்டன் சுனே லஸ் 2 ரன் என விரைவில் விக்கெட்டை இழந்தனர். அதிரடி காட்டிய லாரா வால்வார்ட் 61 ரன்கள் விளாசி ஆட்டமிழந்தார். அவரது விக்கெட் ஆட்டத்தில் திருப்புமுனையை ஏற்படுத்தியது. அவரைத் தொடர்ந்து சோல் டிரையான் 25 ரன்கள் சேர்த்த நிலையில் விக்கெட்டை பறிகொடுத்தார். அனெக் போஸ்ச் 1 ரன் மட்டுமே அடித்தார். கடைசி ஓவரில் 27 ரன்கள் தேவை என்ற நிலையில், 7 ரன்களே எடுத்தது.
கடைசி வரை போராடிய தென் ஆப்பிரிக்கா 20 ஓவர் முடிவில் 6 விக்கெட் இழப்பிற்கு 137 ரன்கள் சேர்த்தது. இதனால் ஆஸ்திரேலிய அணி 19 ரன்கள் வித்தியாசத்தில் வெற்றி பெற்று கோப்பையை கைப்பற்றியது.
இதன் மூலம் மகளிர் டி20 உலகக் கோப்பையை 6 முறை ஆஸ்திரேலிய அணி வென்றுள்ளது.
ஆட்டநாயகியாக பெத் மூனியும் மற்றும் தொடர்நாயகியாக ஏஷ்லி கார்ட்னரும் தெரிவு செய்யப்பட்டார்கள்.
Comments powered by CComment