இலங்கை அணியின் புதிய தலைவராக தசுன் சானக

நடந்து முடிந்த பங்களாதேஷ் மற்றும் இங்கிலாந்துடனான டி20 மற்றும் ஒரு நாள் போட்டிகளுக்கு குசல் பெரெரா அணித்தலைவராக நியமிக்கப்பட்டிருந்தார். அவற்றில் 9 போட்டிகளில் 7 போட்டிகளில் தோல்வியை தழுவியது. ஆகவே இலங்கையணியின் தெரிவுக்குழு குசல் பெரெராவின் இயல்பான துடுப்பாட்டத்தை பாதிப்பதினால் அவரை அணித்தலைவர் பதவியிலிருந்து விடுவித்து புதிய அணித்தலைவராக தசுன் சானகவை நியமித்துள்ளது.

தசுன் சானக 2019 இல் பாகிஸ்தானில் பாகிஸ்தானுடனான டி20 சுற்றுப்போட்டியில் 3-0 என்ற கணக்கில் உலக தரவரிசையில் முதலிடத்தில் இருந்த பாகிஸ்தானை இளம் வீரர்களை கொண்ட இலங்கையணியுடன் வீழ்த்தினார். இம்மாதம் 13, 16, 18 எனும் தினங்களில் மூன்று ஒரு நாள் போட்டிகளிலும் 21,23,25 எனும் தினங்களில் மூன்று டி20 போட்டிகளிலும் ஆர் பிரமதாச விளையாட்டரங்கில் இலங்கையணி விளையாடவுள்ளது.