counter create hit மத்திய பட்ஜெட் இன்று தாக்கல் - நிர்மலா சீதாராமன் தாக்கல் செய்யும் 4ஆவது பட்ஜெட்!

மத்திய பட்ஜெட் இன்று தாக்கல் - நிர்மலா சீதாராமன் தாக்கல் செய்யும் 4ஆவது பட்ஜெட்!

இந்தியா
Typography
  • Smaller Small Medium Big Bigger
  • Default Helvetica Segoe Georgia Times
நாடாளுமன்றத்தில் மத்திய பட்ஜெட் இன்று தாக்கல் செய்யப்படுகிறது. இதனை நிதியமைச்சர் நிர்மலா சீதாராமன் தாக்கல் செய்யவுள்ளார்.


நாடாளுமன்ற பட்ஜெட் கூட்டத் தொடர் (2022-23ஆம் நிதியாண்டு) குடியரசுத் தலைவர் ராம்நாத் கோவிந்த் உரையுடன் நேற்று கூடியது. இரு அவைகளின் கூட்டுக்கூட்டத்தில் அவர் உரையாற்றினார். நாடாளுமன்ற மைய மண்டபத்தில் அவர் ஆற்றிய உரையில், மத்திய அரசின் சாதனைகளை பட்டியலிட்டு பேசினார். அதன் தொடர்ச்சியாக, பொருளாதார ஆய்வறிக்கை தாக்கல் செய்யப்பட்டது.

இந்த நிலையில், 2022-23 நிதியாண்டுக்கான மத்திய பட்ஜெட் நாடாளுமன்றத்தில் இன்று தாக்கல் செய்யப்பட உள்ளது. இதனை நிதியமைச்சர் நிர்மலா சீதாராமன் தாக்கல் செய்யவுள்ளார். 2ஆவது முறையாக காகிதமில்லா நிதிநிலை அறிக்கையை தாக்கல் மத்திய நிதியமைச்சர் நிர்மலா சீதாராமன் செய்கிறார். இது அவர் தாக்கல் செய்யும் 4ஆவது பட்ஜெட் ஆகும்.

மத்திய பட்ஜெட் நாடாளுமன்றத்தில் இன்று காலை 11 மணிக்கு தாக்கல் செய்யப்படவுள்ள நிலையில், நிதிநிலை அறிக்கையின் அம்சங்களை 'UnionBudget' என்ற செயலி மூலம் அறிந்துகொள்ள ஏற்பாடு செய்யப்பட்டுள்ளது.

பிரதமர் மோடி தலைமையிலான பாஜக அரசின் 10ஆவது மத்திய பட்ஜெட் இது என்பதாலும், ஐந்து மாநில சட்டமன்றத் தேர்தலையொட்டி தாக்கல் செய்யப்படும் பட்ஜெட் என்பதாலும் மிகுந்த எதிர்பார்ப்பு ஏற்பட்டுள்ளது. குடியரசுத் தலைவரின் உரையில் விவசாயம் சார்ந்து அவர் பேசியுள்ளதாலும், தேர்தல் நடைபெறவுள்ள மாநிலங்களில் விவசாயிகள் பெரிதளவில் இருப்பதாலும், விவசாயம் சார்ந்த கவர்ச்சிகர அறிவிப்புகள் பட்ஜெட்டில் வெளியாக வாய்ப்புள்ளதாக கூறப்படுகிறது.

மேலும், வருமான வரி உச்சரவம்பு அதிகரிக்கப்படுமா? வரி சலுகைகள் அறிவிக்கப்படுமா? என்பன உள்ளிட்ட பல்வேறு எதிர்பார்ப்புகள் மத்திய வர்க்கத்தினரிடையே ஏற்பட்டுள்ளது. இந்த தொடரை சுமுகமாக நடத்துவதற்கான ஏற்பாடுகளை மக்களவை சபாநாயகர் ஓம் பிர்லா மேற்கொண்டு வருகிறார். அதன்படி, மக்களவையை சுமுகமாக நடத்துவதற்கு ஒத்துழைப்போம் என அனைத்து கட்சிகளும் உறுதியளித்துள்ளதாக அவர் தெரிவித்துள்ளார்.

Comments powered by CComment

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.