சிகரங்களை நோக்கிப் பயணிப்பவர்கள் அறிவர் உச்சங்களின் முன்னதான சிரமங்கள்.  தடைகளெனத் தோன்றும் கற்களைப் படிகளாக்கிப் பயணிக்க முடிந்தால் மட்டுமே உயரங்கள் தொடமுடியும்.  அந்த புரிதலுடனும், வசப்படுமெனும் , நம்பிக்கையுடனும், எட்டு ஆண்டுகளை எட்டிக் கடந்த எங்கள் ஊடகப் பயணம்,  இன்று இன்னுமொரு புத்தாண்டில்...

4தமிழ்மீடியா இந்த ஆண்டிற்கான பயணத்தைத் தொடங்கிய போது, நமது வாசகர்களோடு பகிர்ந்து கொண்ட வார்த்தைகளை, இன்று மீள் நினைவு கொள்கின்றோம். காத்திருப்புக் கனிந்திருக்கிறதா என்பதைக் காலம் உணர்ந்தும் என்னும் நம்பிக்கையோடு நாட்களைக் கடந்து செல்கின்றோம்.

இணைய வெளியில் தொடரும் ஏற்றமிகு பயணத்தின் இன்னுமொரு நிலை காணலுக்கான தயார்ப்படுத்தல் நேரம் இது.  வரும் 14ந் திகதி எட்டாவது ஆண்டினை நிறைவு செய்து 9 வது ஆண்டிற்குள், உங்களோடு சேர்ந்து அடியெடுத்து வைக்கவுள்ளோம்.  அந்த மகிழ்வின் தொடக்கமென மாற்றம் கண்டுள்ளது 4தமிழ்மீடியாவின் தளவடிவமைப்பு .

Most Read