செவ்வாய்க்கிழமை இரவு ஒலிம்பிக் போட்டிகள் நடந்து கொண்டிருக்கும் பிரேசிலின் தலைநகர் ரியோ டீ ஜெனீரோவில் பத்திரிகையாளர் சென்று கொண்டிருந்த பேருந்து  ஒன்றின் மீது துப்பாக்கிச் சூடு நிகழ்த்தப் பட்டதாக செய்திகள் வெளியாகி உள்ளன.

ஈரானின் அணுசக்தி திட்டங்கள் குறித்த தகவல்கள், தொழிநுட்பம் போன்றவற்றை அமெரிக்காவுக்கு இரகசியமாக வழங்கிய குற்றச்சாட்டின் கீழ் அந்நாட்டு அணு விஞ்ஞானியான 39 வயதுடைய ஷாரம் அமீரி இற்கு மரண தண்டனை நிறைவேற்றப் பட்டுள்ளதாக ஈரான்  ஞாயிற்றுக்கிழமை உத்தியோக பூர்வமாக அறிவித்துள்ளது.

திங்கட்கிழமை பாகிஸ்தானின் பலுஜிஸ்தான் பகுதியில் குவெட்டா நகரில் உள்ள சன நெருக்கடி மிக்க  வைத்திய சாலை ஒன்றில் தற்கொலைக் குண்டுத் தாக்குதல்  நிகழ்த்தப் பட்டு பின்னர் துப்பாக்கிச் சூடு மேற்கொள்ளப் பட்டுள்ளது. இதில் பலி எண்ணிக்கை 93 ஆக உயர்வடைந்துள்ளதுடன் நூற்றுக் கணக்கானவர்கள் படுகாயம் அடைந்துள்ளனர்.

தென்கிழக்கு தரை சூழ் ஐரோப்பிய நாடான மசெடோனியவைக் கடந்த சில நாட்களாகப் பாரிய புயல் தாக்கி வருகின்றது. இதனால் தலைநகர் ஸ்கொப்ஜே உட்பட அதைச் சுற்றி இருக்கும் Smilkovci,Singelic,Stajkovci மற்றும் Aracinovo ஆகிய கிராமப் பகுதிகளில் வெள்ளம் பெருக்கெடுத்து கடும் சேதம் ஏற்பட்டுள்ளது. 

தென்னமெரிக்க நாடான மெக்ஸிக்கோவில் கடந்த சில நாட்களாகப் பெய்து வரும் கனமழை காரணமாக ஆங்காங்கே பாரிய நிலச்சரிவுகள் ஏற்பட்டுள்ளன. நிலச்சரிவுகளில் மாத்திரம் சிக்கி 39 பேர் வரை பலியாகி இருப்பதாகத் தகவல் வெளியாகி உள்ளது. முக்கியமாக மலைப் பிரதேச நகரங்களான பியூப்லா மற்றும் வெராகுரூஸ் ஆகியவற்றில் கடும் நிலச்சரிவு ஏற்பட்டுள்ளது.

ஞாயிற்றுக்கிழமை தனது ஹிரோஷிமா நகரின் மீது அமெரிக்கா அணுகுண்டு வீசி பேரழிவை ஏற்படுத்திய தினத்தின் 71 ஆவது நிறைவு  அஞ்சலியை ஜப்பான் அரசு அனுட்டிக்கின்றது. இதற்காக டோக்கியோவின் நினைவகத்தில் ஜப்பான் பிரதமர் ஷின்ஷோ அபே தலைமையில் ஒன்று கூடிய சுமார் 50 000 பொது மக்கள் 7 தசாப்தங்களுக்கு முன் ஹிரோசிமாவில் அணுகுண்டு வெடித்த அதே நேரத்தில் எழுந்து நின்று தமது இன்னுயிரைத் துறந்த மக்களுக்கு அஞ்சலியை செலுத்தினர். 

மத்திய இலண்டனிலுள்ள அருங்காட்சியகம் அருகே மர்ம நபர் ஒருவர் வியாழக்கிழமை நடத்திய கத்திக் குத்துத் தாக்குதலில் பெண் ஒருவர் கொல்லப் பட்டதுடன் மேலும்  6 பேர் படுகாயம் அடைந்துள்ளனர். குறித்த நபர் கண்மூடித் தனமாக தாக்குதலை நடத்தத் தொடங்கியதை அடுத்து சம்பவ இடத்துக்கு விரைந்து வந்த ஸ்காட்லாந்து யார்டு போலிஸ் பிரிவு அவரைக் கைது செய்துள்ளது. 

More Articles ...

Most Read