ஞாயிற்றுக்கிழமை தனது ஹிரோஷிமா நகரின் மீது அமெரிக்கா அணுகுண்டு வீசி பேரழிவை ஏற்படுத்திய தினத்தின் 71 ஆவது நிறைவு  அஞ்சலியை ஜப்பான் அரசு அனுட்டிக்கின்றது. இதற்காக டோக்கியோவின் நினைவகத்தில் ஜப்பான் பிரதமர் ஷின்ஷோ அபே தலைமையில் ஒன்று கூடிய சுமார் 50 000 பொது மக்கள் 7 தசாப்தங்களுக்கு முன் ஹிரோசிமாவில் அணுகுண்டு வெடித்த அதே நேரத்தில் எழுந்து நின்று தமது இன்னுயிரைத் துறந்த மக்களுக்கு அஞ்சலியை செலுத்தினர். 

தென்கிழக்கு தரை சூழ் ஐரோப்பிய நாடான மசெடோனியவைக் கடந்த சில நாட்களாகப் பாரிய புயல் தாக்கி வருகின்றது. இதனால் தலைநகர் ஸ்கொப்ஜே உட்பட அதைச் சுற்றி இருக்கும் Smilkovci,Singelic,Stajkovci மற்றும் Aracinovo ஆகிய கிராமப் பகுதிகளில் வெள்ளம் பெருக்கெடுத்து கடும் சேதம் ஏற்பட்டுள்ளது. 

சிரியாவின் கிளர்ச்சிப் படையினரால் முற்றுகையிடப் பட்டுள்ள அலெப்போ நகரை அங்கிருக்கும் பல ஆயிரக் கணக்கான மக்களின் உயிருக்கு அச்சுறுத்தல் ஏற்படாத வண்ணம் மீட்பதற்கு சிரிய இராணுவம் முயற்சி செய்து வருகையில் சற்று அழுத்தமான இராஜதந்திர பேச்சுவார்த்தை தற்போது நடைபெற்று வருவதாகவும் இதனால் இன்னும் சில நாட்களுக்குள் அலெப்போவில் மனிதாபிமான யுத்த நிறுத்தம் ஏற்பட வாய்ப்புள்ளது என்றும் ஐ.நா தெரிவித்துள்ளது. 

நேபாளத்தின்  24 ஆவது பிரதமராக முன்னால் மாவோயிஸ்ட் கிளர்ச்சிக் குழு தலைவர் பிரச்சண்டாவை அந்நாட்டு பராளுமன்றம் தேர்ந்தெடுத்துள்ளது. 

மத்திய இலண்டனிலுள்ள அருங்காட்சியகம் அருகே மர்ம நபர் ஒருவர் வியாழக்கிழமை நடத்திய கத்திக் குத்துத் தாக்குதலில் பெண் ஒருவர் கொல்லப் பட்டதுடன் மேலும்  6 பேர் படுகாயம் அடைந்துள்ளனர். குறித்த நபர் கண்மூடித் தனமாக தாக்குதலை நடத்தத் தொடங்கியதை அடுத்து சம்பவ இடத்துக்கு விரைந்து வந்த ஸ்காட்லாந்து யார்டு போலிஸ் பிரிவு அவரைக் கைது செய்துள்ளது. 

வறிய ஆப்பிரிக்க நாடான சூடானில் கடந்த சில நாட்களாகப் பெய்து வரும் கனமழை காரணமாக அங்கு பாய்ந்து செல்லும் நைல் நதி பெருக்கெடுத்து பெரும் வெள்ளம் ஏற்பட்டுள்ளது. வெள்ளத்தில் சிக்கி இதுவரை 76 பேர் கொல்லப் பட்டுள்ளதாகவும் ஏராளமான வீடுகள் அடித்துச் செல்லப் பட்டுள்ளதாகவும் தகவல்கள் வெளியாகி உள்ளன. 

ஜப்பான் கடற்பரப்பின் 250 KM தொலைவில் வடக்குக் கடற்கரைக்கு அண்மையில் ஜப்பானின் முக்கிய வர்த்தக வலயத்தில் தனது ஏவுகணை வந்து வீழுமாறு முதன்முறை  பரிசோதனை செய்துள்ளது வடகொரியா. இதன் காரணமாக கொரிய வலயத்தில் மாத்திரம் அல்லாது ஜப்பான், அமெரிக்கா மற்றும் தென்கொரியா ஆகிய நாடுகளின் பகுதிகளுக்கும் அச்சுறுத்தல் ஏற்பட்டுள்ளது. 

More Articles ...

Most Read