தென் சீனக் கடற் பரப்பில் சீன இராணுவத்தின் கடற்படை மிகப் பெரிய அளவில் போர்ப் பயிற்சியை நடத்தி வருகின்றது. தென் சீனக் கடலில் உள்ள போஹோய் என்ற கடற் பரப்பில் சீனாவின் மிகப்பெரிய விமானம் தாங்கிக் கப்பலான  லியாவானிங் சகிதம் ஏராளமான போர்க் கப்பல்களும் ஏவுகணைகளும் இப்பயிற்சியில் ஈடுபடுத்தப் பட்டுள்ளன.

ஆக்டோபரில் மியான்மார் எல்லைப் பாதுகாப்புப் படையினர் மீது தாக்குதல் தொடுத்த சிறுபான்மை முஸ்லிம் போராளிகளுக்கு சவுதி அரேபியா மற்றும் பாகிஸ்தான் அதிகாரிகளிடம் இருந்து உதவி கிடைத்ததாக சர்வதேச சர்ச்சைக் குழுவான ICG வியாழக்கிழமை குற்றம் சாட்டியுள்ளது.

சுமார் 70 வருடங்களாக ஜப்பானுக்கும் ரஷ்யாவுக்கும் இடையே நிலவி வரும் பிராந்திய எல்லை சர்ச்சை தொடர்பில் பேச்சுவார்த்தை நடத்த ரஷ்ய அதிபர் விளாடிமிர் புட்டினும் ஜப்பான் பிரதமர் சின்ஷோ அபே உம் வியாழக்கிழமை மேற்கு ஜப்பானின் நகாட்டோவில் உள்ள ஹாட் ஸ்பிரிங் விடுதி ஒன்றில் சந்தித்துள்ளனர்.

ஒன்றுபட்ட சீனக் கொள்கையில் தனக்கு உடன்பாடு இல்லை எனவும் அமெரிக்கா என்ன செய்ய வேண்டும் என சீனா உத்தரவிட முடியாது எனவும் அமெரிக்க வருங்கால அதிபர் டொனால்ட் டிரம்ப் வெளிப்படையாகக் கூறியிருப்பது சீன அமெரிக்க அரசியல் வட்டாரத்தில் பெரும் பரபரப்பை ஏற்படுத்தியுள்ளது.

அண்மையில் அலெப்போவின் பெரும்பான்மைப் பகுதிகளை சிரிய அரசு கைப்பற்றியதைத் தொடர்ந்து அங்குள்ள கிளர்ச்சிப் படை புதிய யுத்த நிறுத்தத்தை அறிவித்துள்ளது. இதைத் தொடர்ந்து கடந்த சில வருடங்களாகக் கடும் யுத்தத்தை சந்தித்து வந்த சிரியாவின் அலெப்போ நகரிலுள்ள பொது மக்களும் கிளர்ச்சிப் படைகளும் இன்று வியாழக்கிழமை முதல் படிப்படியாக அலெப்போவை விட்டு வெளியேற ஆரம்பித்துள்ளனர்.

பாகிஸ்தானின் புதிய இராணுவத் தலைவரான கமார் ஜாவேட் பஜ்வா ஞாயிற்றுக்கிழமை அந்நாட்டு உளவுத்துறையான ISI இன் தலைமைப் பதவியில் இருந்து லெப்டினண்ட் ஜெனெரல் ரிஸ்வான் அக்தாரை பதவி நீக்கம் செய்ததுடன் புதிய தலைவராக லெப்டினண்ட் ஜெனெரல் நவீட் முக்தார் என்பவரை நியமனம் செய்துள்ளார்.

இஸ்லாமிய தேசப் போராளிகளான ISIS சுமார் ஒரு வருடப் போராட்டத்துக்குப் பிறகு சிரியாவின் மத்தியிலுள்ள பண்டைப் பெருமை மிக்க நகரான பால்மைராவை ஞாயிற்றுக்கிழமை கைப்பற்றியுள்ளனர்.

More Articles ...

Most Read