இன்று வெள்ளிக்கிழமை ஜப்பான் அரசு அறிவித்த அடுத்த ஆண்டுக்கான பாதுகாப்புப் பட்ஜெட் வரலாறு காணாத வகையில் சுமார் 5.19 டிரில்லியன் யென் ($46 பில்லியன் டாலர்) ஆக உயர்ந்துள்ளது.

வங்கதேசத்தாலும் இந்தியாவாலும் சமாளிக்க முடியாது மியான்மாரின் ராக்கைன் மாநிலத்துகே திருப்பி அனுப்பப் படவுள்ள றோஹிங்கியா அகதிகளின் வதிவிடங்கள் மற்றும் ஏனைய தேவைகளுக்காக சுமார் $25 மில்லியன் டாலர்கள் நிதி ஒதுக்கீடு செய்துள்ளதாக இன்று வியாழக்கிழமை இந்திய வெளியுறவுத் துறை அமைச்சு அறிவித்துள்ளது.

எதிர்வரும் வருடம் பாகிஸ்தானில்  நடைபெறவுள்ள பொதுத் தேர்தலில் மும்பைத் தீவிரவாதத் தாக்குதல் சூத்திரதாரியான ஹபீஸ் சயீதின் ஜமாத் உத் தாவா என்ற கட்சி  போட்டியிடவுள்ளதாக செய்திகள் கசிந்துள்ளன. இதனால் சர்வதேசம் அதிர்ச்சி அடைந்ததுடன் ஏற்கனவே பாகிஸ்தான் தீவிரவாதிகளுக்குப் புகலிடமாகச் செயற்பட்டு வருவதாகக் குற்றம் சுமத்தி வந்த அமெரிக்காவும் கவலை தெரிவித்துள்ளது.

ஐக்கிய நாடுகள் மனித உரிமைகள் உயர்ஸ்தானிகர் செயிட் அல் ஹுசைன், தனது பதவியிலிருந்து அடுத்தாண்டு விலகவுள்ளார். இன்னுமொரு பதவிக்கால நீடிப்பைக் கோராமலேயே, அவர் விலகவுள்ளார். 

ஜெருசலேமை இஸ்ரேலின் தலைநகராக டிரம்ப் அங்கீகரித்ததை செல்லாது என ஐ.நா பாதுகாப்புக் குழு கொண்டு வந்த தீர்மானத்தை அமெரிக்கா நிராகரித்துள்ளது. ஐ.நா இன் தீர்மானத்துக்கு ஐ.நா பாதுகாப்புச் சபையில் அமெரிக்கா தவிர ஏனைய அனைத்து 14 உறுப்பினர் நாடுகளும் ஆதரவாக வாக்களித்திருந்தது குறிப்பிடத்தக்கது.

 

வியாழக்கிழமை ஸ்பெயினில் நடைபெற்ற தேர்தலில் கேட்டலன் பிரிவினை வாதிகள் வெற்றியடைந்து விட்டதாகவும் இதனால் ஸ்பெயின் பிரதமர் மரியானோ ராஜோய் மற்றும் அவருக்கு ஆதரவு தெரிவித்த ஐரோப்பிய யூனியன் தலைவர்களும் கடும் அதிருப்தி அடைந்துள்ளதாகவும் செய்திகள் வெளியாகி உள்ளன.

சர்வதேசம் மற்றும் ஐ.நா இன் எதிர்ப்பை மீறி ஜெருசலேமை இஸ்ரேலின் தலைநகராக அமெரிக்கா அண்மையில் அறிவித்திருந்ததுடன் டெல் அவேவ் இலுள்ள அமெரிக்கத் தூதரகத்தை அங்கு இடம் மாற்றப் போவதாகவும் தெரிவித்திருந்தது.

More Articles ...

Most Read