அமெரிக்காவில் உள்ள மிக உயரமான அணையான கலிபோர்னியாவின் ஒரோவில்லே (Oroville Dam) என்ற இடத்தில் அமைந்துள்ள அணை உடையும் அபாயம் ஏற்பட்டிருப்பதால் அப்பகுதியில் வசிக்கும் கிட்டத்தட்ட 200 000 பொது மக்கள் வெளியேற உத்தரவிடப் பட்டு  பொது மக்கள் வெளியேறி வருகின்றார்கள்.

இன்று ஞாயிற்றுக்கிழமை கிறீக்கின் 2 ஆவது மிகப் பெரிய நகரான தெஸ்ஸாலொனிக்கியில் 2 ஆம் உலக மகா யுத்தத்தின் போது இடப்பட்ட 250 Kg எடையுடைய செயல் நிலையில் இருந்த வெடிகுண்டு ஒன்றை வெற்றிகரமாக கிறீக் துருப்புக்கள் செயலிழக்கச் செய்துள்ளனர். இந்த நடவடிக்கையின் போது அப்பகுதியில் இருந்த சுமார் 70 000 மக்கள் தற்காலிகமாக வெளியேற்றப் பட்டனர்.

அமெரிக்க அதிபர் டிரம்பின் புதிய கொள்கைகளுக்குத் தாக்குப் பிடிக்காமல் இந்தியாவிற்குள் வந்துள்ளது ஆரக்கிள் மென்பொருள் நிறுவனம். 

தெற்கு பிலிப்பைன்ஸின் சுரிகாவ் டெல் நோர்டே என்ற பகுதியை மையமாகக் கொண்டு வெள்ளி இரவு 6.5 ரிக்டர் அளவுடைய சக்தி வாய்ந்த நிலநடுக்கம் தாக்கியதில் 15 பேர் பலியானதுடன் 120 பேர் வரை படுகாயம் அடைந்திருப்பதாகத் தகவல்கள் வெளியாகி உள்ளன. இந்த நிலநடுக்கத்தால் ஏராளமான கட்டடங்கள் சேதமடைந்துள்ளதாகவும் மீட்புப் பணிகள் விரைவாக முடுக்கப் பட்டிருப்பதாகவும் பிலிப்பைன்ஸ் அரசு அறிவித்துள்ளது.

ஞாயிற்றுக்கிழமை காலை வடகொரியா மீண்டும் ஒருமுறை மத்திய வீச்சம் உடைய ஏவுகணை சோதனையை நடத்தியுள்ளது. வடக்கு பியோங்கன் பிராந்தியத்தில் இருந்து காலை  7:55 மணிக்கு பங்க்யான் ஏவுதளத்தில் இருந்து ஜப்பானின் கடல் எல்லைப் பகுதியில் விழுமாறு இந்த ஏவுகணை சோதனையை வடகொரியா நிகழ்த்தியுள்ளது.

ஐ.நா பாதுகாப்புச் சபையில் உள்ள 5 நிரந்தர உறுப்பு நாடுகளில் ஒன்றான அமெரிக்கா அண்மையில் லிபியாவுக்கான ஐ.நா தூதுவராக பாலஸ்தீனத்தைச் சேர்ந்த ஒருவரை ஐ.நா பாதுகாப்புச் செயலாளர் தேர்ந்தெடுத்ததற்கு எதிர்ப்பைப் பதிவு செய்துள்ளது. பாலஸ்தீனத்தின் முன்னால் பிரதமரான சலாம் ஃபய்யாட் என்பவரை லிபியாவுக்கான புதிய பிரதிநிதியாக ஐ.நா பாதுகாப்புச் செயலாளர் அந்தோனியோ குட்டெர்ரெஸ் அண்மையில் தெரிவு செய்திருந்தார்.

 

நியூசிலாந்தின் தெற்குத் தீவில் உள்ள கோல்டன் பே என்ற புகழ் பெற்ற கடற்கரையில் கிட்டத்தட்ட 400 திமிங்கிலங்கள் அதிரடியாகக் கரை ஒதுங்கியுள்ளதுடன் இவற்றில் 300 திமிங்கிலங்கள் பலியாகி உள்ளன.

More Articles ...

Most Read