உலகம்
Typography

வட அமெரிக்கக் கண்டத்தில் அமெரிக்காவுக்கு அருகே உள்ள நாடான மெக்ஸிக்கோவின் அதிபராக இடதுசாரி அமைப்பைச் சேர்ந்த மேனுவேல் லோபெஸ் ஆப்ரடார் ஞாயிற்றுக்கிழமை பதவியேற்றுக் கொண்டார்.

ஜுலையில் மெக்ஸிக்கோவில் அதிபர் பதவி, பாராளுமன்றம் மற்றும் 3000 பிராந்திய பதவிகளுக்காக நடைபெற்ற தேர்தலில் வெற்றி பெற்றதன் மூலமே ஆப்ரடார் மெக்ஸிக்கோ அதிபராகத் தேர்வாகியுள்ளார்.

முன்னால் அதிபராக இருந்த பெனா நெய்டோவுக்கு எதிராக ஊழல் குற்றச்சாட்டுக்கள் குவிந்ததால் எதிர் பார்க்கப் பட்டது போலவே அவரின் ஐ ஆர் பி கட்சி தோல்வியைத் தழுவியுள்ளது. மேலும் இதே ஐ ஆர் பி கட்சியில் இருந்து பிரிந்து சென்று இடதுசாரிக் கொள்கைகளுடன் இரு கட்சிகளின் கூட்டணியுடன் லோபெஸ் ஆப்ரடாரால் அமைக்கப் பட்ட தேசிய ரீ ஜெனரேசன் கட்சி வெற்றியைத் தனதாக்கியுள்ளது. சுமார் 53% வீத வாக்குகளுடன் வெற்றி பெற்ற லோபெஸ் ஆப்ரடார் மெக்ஸிக்கோவை கடந்த 89 ஆண்டுகளாக ஆண்டு வந்த இரு முக்கிய கட்சிகளைத் தோற்கடித்தவர் என்ற பெருமையையும் பெற்றுள்ளார்.

அமெரிக்காவின் குடியேற்றக் கொள்கையைக் கடுமையாக ஆப்ரடார் விமரிசித்து வந்த போதும் இவரது வெற்றிக்கு அமெரிக்க அதிபர் டிரம்ப் வாழ்த்துத் தெரிவித்துள்ளார். இன்று பதவியேற்றுக் கொண்ட ஆப்ரடார் பொது மக்களிடம் பொய் சொல்ல மாட்டேன், திருட மாட்டேன் மற்றும் ஏமாற்ற மாட்டேன் என வாக்குறுதி அளித்தார்.

 

 

BLOG COMMENTS POWERED BY DISQUS

மின்னஞ்சலில் பதிவுகள்

மின்னஞ்சலில் பதிவுகள்