உலகம்
Typography

கடந்த 8 மாதங்களில் மலேசியாவில் சட்ட விரோதமாகக் குடியேறி அங்கு வேலை பார்த்து வந்த 30 000 இற்கும் அதிகமான வெளிநாட்டுத் தொழிலாளர்கள் கைது செய்யப் பட்டுள்ளனர்.

இது தவிர இவர்களை வேலைக்கு அமர்த்தியவர்களும், மலேசியாவுக்குள் கடத்தி வர முயன்றவர்களும் என ஆயிரத்துக்கும் அதிகமானவர்கள் கைது செய்யப் பட்டுள்ளனர்.

இத்தகவலை மலேசியக் குடிவரவுத் துறை உறுதிப் படுத்தியுள்ளது. ஆகஸ்ட் 30 ஆம் திகதியுடன் மலேசியாவில் சட்ட விரோதமாகக் குடியேறி வேலை பார்ப்பவர்கள் தாமாகவே முன் வந்து சரணடைய அரசு விதித்த கெடுவும் நிறைவுற்றுள்ளது. இந்நிலையில் கைது செய்யப் பட்டவர்கள் அனைவரும் விரைவில் தத்தமது சொந்த நாடுகளுக்கு நாடு கடத்தப் படுவர் என எதிர் பார்க்கப் படுகின்றது. மலேசிய அரசு கடந்த வருடம் முதற்கொண்டே வெளிநாட்டுத் தொழிலாளர்களை நெறிப் படுத்தும் நடவடிக்கையில் ஈடுபட்டு வந்தது குறிப்பிடத்தக்கது.

மலேசியாவில் கட்டுமானத் துறை, தேயிலைத் தோட்டங்கள் மற்றும் தொழிற்சாலைகளில் பணி புரிவதற்காக குறைந்த ஊதியத்துக்கு ஆபத்தான கடுமையான வேலைகளில் மலேசிய நிறுவனங்கள் இவ்வாறான சட்ட விரோதக் குடியேறிகளை அமர்த்தி வருகின்றன. இதற்கு பொருளாதார ரீதியாகப் பின் தங்கிய நாடுகளில் இருந்து ஆட்கடத்தல் காரர்கள் வழியாக பொது மக்கள் அழைத்து வரப் படுகின்றனர். இந்த நிறுவனங்கள் இலாபத்தை மாத்திரமே இலக்காகக் கொண்டு செயற்படுவதால் தமது தொழிலாளர்களுக்கு எந்த வித ஆவணமும் அளிப்பதில்லை என்பதுடன் சில சமயங்களில் குறைந்தளவு ஊதியத்தைக் கூட வழங்காது தொழிலாளர்களை வேலை நீக்கம் செய்வதும் உண்டு.

BLOG COMMENTS POWERED BY DISQUS

மின்னஞ்சலில் பதிவுகள்

மின்னஞ்சலில் பதிவுகள்