“எனது தந்தையும், தாயும், பின்னராக நானும் கட்டியெழுப்பிய ஸ்ரீலங்கா சுதந்திரக் கட்சி இன்றைக்கு காணாமல் போயுள்ளது. கட்சியில் இன்று இடம்பெறுகின்ற எந்த நடவடிக்கைகளும் எனக்குத் தெரியாது.” என்று முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார். 

Read more: எங்கள் குடும்பத்தால் கட்டியெழுப்பப்பட்ட சுதந்திரக் கட்சி இன்று இல்லை: சந்திரிக்கா குமாரதுங்க

‘ஜனாதிபதியின் பதவிக்காலம் தொடர்பில் உயர்நீதிமன்றம் ஏற்கனவே தீர்ப்பு வழங்கியுள்ள நிலையில், மீண்டும் பதவிக்காலத்தை வினவச் சென்றாலும் அதே பதிலையே உயர்நீதிமன்றம் வழங்கும்.’ அமைச்சர் லக்ஷ்மன் கிரியெல்ல தெரிவித்துள்ளார். 

Read more: ஜனாதிபதி பதவிக்காலம் தொடர்பில் உயர்நீதிமன்றம் ஏற்கனவே பதிலளித்துவிட்டது: லக்ஷ்மன் கிரியெல்ல

"திருகோணமலையில் ஐந்து தமிழ் மாணவர்கள் அரச படையினராலேயே சுட்டுக்கொல்லப்பட்டனர். அதில் மாற்றுக் கருத்துக்களுக்கு இடமில்லை. படுகொலையை நிரூபிக்கும் தகுந்த சாட்சிகள், ஆதாரங்கள் இல்லை என்று கூறி சந்தேகநபர்கள் அனைவரையும் எப்படி விடுவிக்க முடியும்? என்ன காரணத்துக்காகவும் குற்றவாளிகள் தப்பிக்க இடமளிக்க முடியாது." என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார்.

திருகோணமலையில் தமிழ் மாணவர்கள் ஐந்து பேர் சுட்டுப் படுகொலை செய்யப்பட்ட வழக்கில் குற்றஞ்;சாட்டப்பட்டிருந்த அரச படையினர் மீது தகுந்த ஆதாரங்கள் இல்லை எனக் கூறி அவர்கள் அனைவரையும் திருகோணமலை நீதிவான் நீதிமன்றம் விடுதலை செய்துள்ளது.

வழக்கு விசாரணையை எதிர்கொண்டிருந்த 12 விசேட அதிரடிப் படையினரும், ஒரு பொலிஸ் அதிகாரியும் என அரச படையைச் சேர்ந்த 13 பேரும் விடுதலை செய்யப்பட்டுள்ளனர்.

2006ஆம் ஆண்டு ஜனவரி மாதம் 02ஆம் திகதி திருகோணமலையில் 5 மாணவர்கள் சுட்டுக்கொல்லப்பட்டனர். அவர்கள் அன்றிரவு 7 மணியளவில் திருகோணமலை கடற்கரையில் – காந்தி சிலைக்கு அருகில் விளையாடிக் கொண்டிருக்கும்போது, அங்கு வந்த அரச படையினரால் கைதுசெய்யப்பட்டுப் பின்னர் சுட்டுக்கொல்லப்பட்டனர். மாணவர்கள் அனைவரும் க.பொ.த உயர்தரப் பரீட்சையை முடித்துவிட்டு பல்கலைக்கழக நுழைவு அனுமதியை எதிர்பார்த்துக் காத்திருந்தவர்களாவர். இந்தச் சம்பவத்தில் மேலும் 2 மாணவர்கள் காயமடைந்தனர்.

மனோகரன் ரஜீகர், யோகராஜா ஹேமச்சந்திரா, லோகிதராஜா ரோகன், தங்கதுரை சிவானந்தா மற்றும் சண்முகராஜா கஜேந்திரன் ஆகியோரே இந்தச் சம்பவத்தில் உயிரிழந்தனர்.

இந்தக் படுகொலையை அரசும், இராணுவத்தினரும், பொலிஸாரும் ஆரம்பத்தில் மறுத்திருந்தாலும், பின்னர் அவர்கள் அனைவரும் விடுதலைப் புலிகள் என்றும், அரச படைகள் மீது இவர்கள் கைக்குண்டு கொண்டு தாக்க முற்பட்ட வேளையில் கைக்குண்டு வெடித்து அவர்கள் உயிரிழந்தனர் என்றும் கூறினர்.

ஆனால், இறந்த மாணவர்களின் தலைகள் உட்பட உடல்களில் துப்பாக்கிச்சூடுகள் காணப்படுகின்றன எனவும், அவர்கள் மிகக் கிட்டிய தூரத்தில் இருந்து சுட்டுக் கொல்லப்பட்டனர் எனவும் சட்ட மருத்துவ பரிசோதனையின் மூலம் உறுதிப்படுத்தப்பட்டது. இந்த விடயத்தைப் புகைப்பட ஆதாரத்துடன் அறிக்கையிட்ட ~உதயன்| – ~சுடர் ஒளி| திருகோணமலை செய்தியாளர் எஸ்.சுகிர்தராஜனும் சில நாட்களின் பின்னர் சுட்டுக்கொல்லப்பட்டார்.

அதேவேளை, படுகொலை செய்யப்பட்ட மாணவர்களின் பெற்றோர் மற்றும் உறவுகள் ஆகியோருக்கும் கொலை அச்சுறுத்தல் விடுக்கப்பட்டதால் அவர்கள் நாட்டைவிட்டுத் தப்பி வெளிநாட்டில் புகலிடம் கோரினர். எனினும், மாணவர்களின் படுகொலை தொடர்பில் அவர்களின் பெற்றோர் மற்றும் உறவுகள் நீதி கோரி நீண்ட சட்டப் போராட்டம் நடத்தினர். சுட்டுக்கொல்லப்பட்ட மாணவர்களில் ஒருவரான ரஜீகரின் தந்தை மருததுவர் மனோகரன் ஐ.நா. மனித உரிமைகள் சபையிலும் சாட்சியமளித்திருந்தார்.

மாணவர்களின் படுகொலை தொடர்பில் சந்தேகத்தின் அடிப்படையில் 12 விசேட அதிரடிப் படையினரும், உதவிப் பொலிஸ் அத்தியட்சகர் ஒருவரும் குற்றப்புலனாய்வுப் பிரிவினரால் 2013ஆம் ஆண்டு ஜுலை 5ஆம் திகதி கைதுசெய்யப்பட்டனர். கைதுசெய்யப்பட்ட அனைவரும் 2013ஆம் ஆண்டு ஒக்டோபர் 14ஆம் திகதி திருகோணமலை நீதிவான் நீதிமன்றத்தால் பிணையில் விடுவிக்கப்பட்டனர்.

இலங்கையின் நீதிப்பொறிமுறை குறித்து சர்வதேச அளவில் கவனத்தை ஈர்த்த விவகாரமாக இந்தப் படுகொலை வழக்கு விளங்கியது. சர்வதேச அமைப்புகள் இந்தப் படுகொலையைப் பகிரங்கமாகக் கண்டித்திருந்தன.

திருகோணமலை நீதிவான் நீதிமன்ற பிரதான நீதிவான் எம். எச். மொஹமட் ஹம்சா முன்னிலையில் கடந்த புதன்கிழமை இந்த வழக்கு கட்டளைக்காக வந்தது.

“வழக்கில் குற்றஞ்சாட்டப்பட்ட 13 எதிரிகள் மீதான குற்றச்சாட்டுக்கள் மன்று திருப்தியடையும் வகையில் சான்றாதாரங்கள் முன்வைக்கப்படவில்லை. அதனால் குற்றவியல் நடைமுறைச் சட்டக்கோவை 153 மற்றும் 154ஆம் பிரிவுகளின் கீழ் எதிரிகள் மீதான குற்றச்சாட்டுக்கள் சான்றாதாரங்களுடன் முன்வைக்கப்படவில்லை. அதனால் 13 எதிரிகளும் அனைத்துக் குற்றச்சாட்டுக்களில் இருந்தும் விடுவிக்கப்படுகின்றனர்" என்று பிரதான நீதிவான் எம். எச். மொஹமட் ஹம்சா கட்டளை வழங்கினார்.

படுகொலையுடன் சம்பந்தப்பட்ட அரச படையினர் 13 பேரும் விடுவிக்கப்பட்டமை நீதியை எதிர்பார்த்த மாணவர்களின் பெற்றோர் மற்றும் உறவுகளுக்கு பெரும் ஏமாற்றத்தை அளித்துள்ளது. இது குறித்து அவர்கள் கவலை வெளியிட்டுள்ளனர்.

இந்த விடயம் தொடர்பில் தமிழ்த் தேசியக் கூட்டமைப்பின் தலைவர் இரா.சம்பந்தனிடம் வினவியபோது,

“2006ஆம் ஆண்டு ஜனவரி மாதம் 02ஆம் திகதி திருகோணமலையில் 5 தமிழ் மாணவர்கள் அரச படையினராலேயே சுட்டுக்கொல்லப்பட்டனர். இதில் மாற்றுக்கருத்துக்களுக்கு இடமில்லை. 5 மாணவர்களும் துப்பாக்கியால் மிகக்கிட்டிய தூரத்தில் வைத்து சுட்டுக் கொல்லப்பட்டனர் என்ற சட்ட மருத்துவ பரிசோதனையின் அறிக்கையும் நீதிமன்றத்தில் சமர்ப்பிக்கப்பட்டிருந்தது. இந்தச் சம்பவத்தில் படுகாயமடைந்த 2 மாணவர்கள் நேரடிச் சாட்சிகளாக உள்ளனர். இவர்கள் இருவரும் உயிர் அச்சுறுத்தல் காரணமாக வெளிநாடுகளில் தஞ்சம் புகுந்துள்ளனர். 6 சாட்சிகள் உயிர் அச்சுறுத்தல் காரணமாக நீதிமன்றில் சாட்சியமளிக்கவில்லை. இந்தநிலையில், படுகொலையை நிரூபிக்கும் தகுந்த சாட்சிகள் – ஆதாரங்கள் இல்லை என்று கூறி சந்தேகநபர்களை எப்படி விடுவிக்க முடியும்?. இந்தப் படுகொலையுடன் தொடர்புடைய அனைவரும் தண்டிக்கப்பட வேண்டும். படுகொலைக் குற்றவாளிகள் தப்பிக்கவே முடியாது. நீதிமன்றத்தின் இந்தத் தீர்ப்பு தொடர்பில் சர்வதேச சமூகத்தின் கவனத்தை ஈர்க்கும் வகையில் மிகக்காட்டமான அறிக்கையொன்றை விரைவில் நான் வெளியிடவுள்ளேன்"  என்றுள்ளார்.

-தினக்குரல்

இலங்கைக்கும் அமெரிக்காவுக்கும் இடையிலான ஒப்பந்தங்கள் மூலம், இலங்கையின் இறையாண்மைக்கு எந்தவித்திலும் பாதிப்பு ஏற்படாது என்று இலங்கைக்கான அமெரிக்க தூதுவர் அலேனா டெப்பிளிஸ் தெரிவித்துள்ளார். 

Read more: அமெரிக்காவுடனான ஒப்பந்தத்தால் இலங்கையின் இறைமை பாதிக்காது: அமெரிக்கத் தூதுவர்

சர்வதேச தீவிரவாதக் குழுக்கள் மற்றும் உள்நாட்டு மத அடிப்படைவாதக் குழுக்களின் அச்சுறுத்தலை கண்காணிப்பதற்கும், எதிர்கொள்வதற்கும் பாதுகாப்பு அமைச்சின் கீழ் சிறப்புப் பிரிவு ஒன்றை உருவாக்க நடவடிக்கை எடுக்கப்பட்டுள்ளது. 

Read more: தீவிரவாதக் குழுக்களைக் கண்காணிக்க பாதுகாப்பு அமைச்சின் கீழ் சிறப்புப் பிரிவு!

ஐக்கிய தேசியக் கட்சியின் தலைமைப் பதவிக்கு, கட்சியின் தற்போதைய பிரதித் தலைவர் சஜித் பிரேமதாசவே பொருத்தமானவர் என்று அந்தக் கட்சியின் சிரேஷ்ட உறுப்பினரும் அமைச்சருமான தயா கமகே தெரிவித்துள்ளார். 

Read more: ஐ.தே.க.வின் தலைமைக்கு சஜித் பிரேமதாசவே பொருத்தமானவர்: தயா கமகே

நாட்டுக்கு பாதிப்பை ஏற்படுத்தும் எந்த வெளிநாட்டு ஒப்பந்தங்களுக்கும் தான் அனுமதி வழங்கப்போவதில்லை என்று ஜனாதிபதி மைத்திரிபால சிறிசேன தெரிவித்துள்ளார். 

Read more: நாட்டுக்கு பாதிப்பை ஏற்படுத்தும் வெளிநாட்டு ஒப்பந்தங்களுக்கு அனுமதியில்லை: மைத்திரி

More Articles ...

மின்னஞ்சலில் பதிவுகள்

மின்னஞ்சலில் பதிவுகள்