இலங்கை
Typography

நீதிமன்றத்தை அவமதித்த குற்றச்சாட்டு தொடர்பில் வடக்கு மாகாண முதலமைச்சர் சி.வி.விக்னேஸ்வரன் மற்றும் இரு அமைச்சர்களை செப்டம்பர் 07ஆம் திகதி மேன்முறையீட்டு நீதிமன்றத்தில் ஆஜராகுமாறு அழைப்பாணை விடுக்கப்பட்டுள்ளது. 

வடக்கு மாகாண அமைச்சர்களான அனந்தி சசிதரன் மற்றும் கே.சிவனேசன் ஆகியோருக்கும் நீதிமன்றம் அழைப்பாணை விடுத்துள்ளது.

முன்னாள் மீன் பிடித்துறை அமைச்சர் பா.டெனீஸ்வரனை அமைச்சராக நியமிப்பது தொடர்பான நீதிமன்றத்தின் உத்தரவை செயற்படுத்தாததன் மூலம் வடக்கு முதலமைச்சர் நீதிமன்றத்தை அவமதித்திருப்பதாக மேன்முறையீட்டு நீதிமன்ற நீதியரசர்களான குமுதுனி விக்ரமசிங்க மற்றும் ஜகத் டி சில்வா ஆகியோர் கருதியே, மேற்கண்ட உத்தரவை விடுத்துள்ளனர்.

தன்னை அமைச்சர் பதவியிலிருந்து நீக்குவதற்கு முதலமைச்சர் சி.வி.விக்னேஸ்வரன் எடுத்த தீர்மானத்தை இரத்துச் செய்யுமாறு கோரி வடக்கு மாகாண முன்னாள் அமைச்சர் பா.டெனீஸ்வரன் மேன்முறையீட்டு நீதிமன்றத்தில் வழக்கு தாக்கல் செய்திருந்தார். இதனை ஆராய்ந்த உச்ச நீதிமன்றம் முதலமைச்சரின் முடிவிற்கு இடைக்கால தடை உத்தரவு வழங்கியிருந்தது.

இருப்பினும், நீதிமன்ற உத்தரவை வடக்கு மாகாண முதலமைச்சர் செயற்படுத்தாமல் நீதிமன்றத்தை அவமதித்ததாக தெரிவித்து டெனீஸ்வரன் நீதிமன்றத்தில் மனுத் தாக்கல் செய்திருந்தார். இதனை ஆராய்ந்த நீதிமன்றம் முதலமைச்சருக்கும் இரு மாகாண அமைச்சர்களுக்கு அழைப்பாணை விடுத்தது.

BLOG COMMENTS POWERED BY DISQUS

மின்னஞ்சலில் பதிவுகள்

மின்னஞ்சலில் பதிவுகள்