விளையாட்டு
Typography

இந்திய - ஆஸ்திரேலிய அணிகளுக்கு இடையிலான மெல்பேர்ன் டெஸ்ட் போட்டியில் இந்திய அணி வெற்றியின் விளிம்பிற்கு வந்துள்ளது.

நேற்றைய நான்காம் நாள் ஆட்ட நேர முடிவில் ஆஸ்திரேலிய அணி தனது இரண்டாவது இன்னிங்ஸிற்காக 258 ஓட்டங்களுக்கு 8 விக்கெட்டுக்களை இழந்திருந்தது. இன்னமும் 141 ஓட்டங்களை எடுத்தால் வெற்றி எனும் நிலையில் கையில் 2 விக்கெட்டுக்களே மீதமுள்ளன. பி.ஜே.கம்மின்ஸ் 61 ஓட்டங்களுடன் இந்தியாவின் வெற்றியை தடுக்க கடுமையாக போராடி வருகிறார்.

இந்தியாவின் பந்துவீச்சில் ஜெடேஜா 3 விக்கெட்டுக்களையும், மொஹ்மட் சமி, பும்ராஹ் தலா 2 விக்கெட்டுக்களையும் வீழ்த்தினர்முன்னதாக முதல் இன்னிங்ஸில் இந்திய அணி 443 ஓட்டங்களையும், இரண்டாவது இன்னிங்ஸில் 106 ஓட்டங்களையும் எடுத்தது. ஆஸ்திரேலிய அணி முதல் இன்னிங்ஸில் 151 ஓட்டங்களுக்கு சகல விக்கெட்டுக்களையும் இழந்திருந்தது.

நாளைய ஐந்தாம் நாள் ஆட்டத்தில் இந்தியா வெற்றி பெறுமாயின், ஆஸ்திரேலியாவில் நடைபெற்று வரும் டெஸ்ட் தொடரில் 2-1 என முன்னிலை பெறும்நேற்றைய போட்டியில் பல சுவாரஷ்யங்கள் நடந்தன. முன்னதாக இந்தியா தனது துடுப்பாட்டத்தின் போது, ரிஷாப் பேண்ட் பேட்டிங்கின் போது, ஆஸ்திரேலிய அணியின் கேப்டன் பெயின், ரிஷாப் பேண்டை கேலி செய்து பேசியது விக்கெட் மைக்கில் பதிவாகியிருந்தது. என் குழந்தைகளை பார்த்துக் கொள்ள ஆட்கள் தேவை, உன்னால், அந்த வேலையை செய்ய முடியுமா?, சூறாவளி பாதிப்பை தடுக்க சிறந்த தடுப்பாட்கள் தேவை, நீ அங்கு செல்வாயா என பல கேள்விகளை தொடுத்திருந்தார்.

பதிலுக்கு ஆஸியின் துடுப்பாட்டத்தின் போது, பெயின் பேட்டிங்கில் நிற்க, விக்கெட் பின்னால், கீப்பிங் செய்து கொண்டிருந்த ரிஷாப் பேண்ட், அருகில் நின்று கொண்டிருந்த தனது சக வீரர் மாயங்கிடம், «நீ எப்போதாவது தற்காலிக கேப்டன் பற்றி கேள்விப்பட்டிருக்கிறாயா?, இங்கு ஒருவர் நிற்கிறார். அவரின் விக்கெட்டை வீழ்த்த எதுவுமே செய்ய வேண்டாம். பேசிப் பேசியே ஆட்டமிழப்பார், அது மட்டுமே அவரால் செய்ய முடியும்» என பதிலடி கொடுத்தார். இறுதியில் ரிஷாப் பேண்ட் சொன்னது போல், அவரிடமே பிடிகொடுத்து ஆட்டமிழந்தார் பெயின். காமெண்டிரியில் இருந்த ஷேர்ன் வார்னோ, பெயினுக்கு இது தேவை தான் என்றார்.

BLOG COMMENTS POWERED BY DISQUS