சமூக ஊடகம்
Typography

சீனாவின் முன்னணி நடிகையும் ஹாலிவுட் பிரபலமுமான ஃபேன் பிங்பேங் ஊடகங்களின் கண்ணுக்கும் பொது மக்கள் மத்தியிலும் திடீரென ஜூலை 23 முதல் தென்படாது போயுள்ளார்.

ஜூலை 1 முதல் தனது சமூக ஊடக செயற்பாடுகளை நிறுத்திய இவர் ஜூலை 23 முதல் பொது மக்களுக்குத் தெளிவாகக் கண்ணில் படாத நிலையிலும் காணாமற் போயுள்ளார்.

இவர் அரசுக்கு வரிப் பணத்தை நீண்ட நாட்கள் செலுத்தாது இருந்த காரணத்தால் கைது செய்யப் பட்டிருக்கலாம் என இவர்களின் சில ரசிகர்கள் ஊகம் தெரிவித்துள்ளனர். சீனாவைச் சேர்ந்த நடிகையான இவர் தனது நடிப்புத் திறன் மூலம் பெரும் செல்வத்தையும் வெற்றியையும் சம்பாதித்து வந்தவர் ஆவார். செப்டம்பர் 16, 1981 இல் சீனாவின் கிங்டாவோ இல் பிறந்து யாண்டாய் இல் வளர்ந்த இவர் 1996 முதல் சீனாவின் பொழுதுபோக்குத் துறையில் கால் பதித்து வருகின்றார்.

திரைப்படத் துறையில் பல விருதுகளை வென்ற இவர் 2014 இல் X-Men Days of Future Past படத்தில் நடித்ததன் மூலம் ஹாலிவுட் உலகிலும் பிரவேசித்தார். தற்போது பிங்பிங் தங்கியிருக்கும் இடம் வெளி உலகுக்குத் தெரியாத நிலையில் உள்ளது. 36 வயதாகும் பிங்பிங் ஜூலை 1 இல் ஒரு சிறுவர்கள் வைத்திய சாலைக்குச் சென்ற பின்னரே காணாமற் போயுள்ளதாகவும் இன்ஸ்டாகிராமில் தகவல் வெளியாகி உள்ளது. சீனாவின் பிரசித்தமான Weibo என்ற சமூக வலைத் தளத்தில் இவருக்கு 63 மில்லியன் பின்பற்றுபவர்கள் உள்ளனர் என்பது குறிப்பிடத்தக்கது.

BLOG COMMENTS POWERED BY DISQUS

மின்னஞ்சலில் பதிவுகள்

மின்னஞ்சலில் பதிவுகள்