கட்டுரைகள்
Typography

2017 ஆமாண்டு ஆக்டோபர் 19 ஆம் திகதி பூமியில் இருந்து 33 000 000 கிலோ மீட்டர் தொலைவில் சூரியனை விட்டு விலகிச் செல்லும் வண்ணம் கடந்த ஒமுவாமுவா என்ற விண்கல் அதன் பயணப் பாதை மற்றும் வேறு சில அம்சங்கள் காரணமாக நிச்சயம் ஒரு வேற்றுக் கிரக வாசிகளின் விண்கலமாகத் தான் இருக்கும் என ஹார்வார்டு பல்கலைக் கழகத்தின் ஷுமேல் பெய்லி தலைமையிலான விஞ்ஞானிகள் அபிப்பிராயம் தெரிவித்துள்ளனர்.

ஆரம்பத்தில் இது விண்கல்லா, எரி நட்சத்திரமா அல்லது வேறு எதுவுமா என விஞ்ஞானிகள் குழம்பியிருந்த பட்சத்தில் அதில் இருந்து வந்த சில சிக்னல்கள் மற்றும் எந்தவொரு கிரகம் அல்லது நட்சத்திரத்தின் ஈர்ப்பு விசையிலும் சிக்காது மிக நேர்த்தியாக அது கடந்து சென்ற விதம் என்பவை ஒமுவாமுவா நிச்சயம் ஒரு வேற்றுக் கிரக வாசிகளின் விண்கலமாகத் தான் இருக்கும் என்ற சந்தேகத்துக்கு வலுச் சேர்த்துள்ளது.

தற்போது 650 கோடி ரூபாய் செலவில் ரஷ்யத் தொழில் அதிபர் ஒருவர் தலைமையில் இது குறித்த ஆராய்ச்சி முன்னெடுக்கப் பட்டு வருகின்றது. இந்த ஒமுவாமுவா விண்பொருள் நிச்சயம் ஒரு ஏலியன் கப்பலாகவே இருந்தால் அது ஏன் பூமிக்கு அருகே வந்து சென்றது என்பதை விரைவில் அறிவது மிக அவசியம் எனவும் விஞ்ஞானிகள் கருத்துத் தெரிவித்துள்ளனர். 2017 இல் இந்த விண்பொருள் தென்பட்ட போது நாசா இது சூரிய குடும்பத்துக்கு வெளியே இருந்து வந்த பொருள் தான் என உறுதிப் படுத்தியிருந்ததும் குறிப்பிடத்தக்கது. இதற்கு முக்கிய காரணமாக சூரிய குடும்பத்தில் உள்ள விண்கற்கள் அல்லது வால்வெள்ளிகளின் பதார்த்தங்களின் தன்மை இந்த ஒமுவாமுவாவில் தென்படாததும் கூறப்படுகின்றது.

மேலும் இது வேகா என்ற விண்மீன் மண்டலத்தில் இருந்து வந்து இருக்குமேயானால், நம் சூரிய மண்டலம் வந்து சேர்ந்து அடைய இதற்கு 600,000 ஆண்டுகள் ஆகி இருக்கும். இதன் வேகத்தைப் பார்த்தால், நம் பால் வெளியில் பல இடங்களில் சுற்றி விட்டு, பின் நம் சூரிய மண்டலத்திற்குள் நுழைந்தது போல் தெரிகின்றது. பால் வெளியில் கோள் ஏதேனும் சிதைந்து அதிலிருந்து ஒமுவாமுவா வந்திருக்கலாம் என்றும் கருதப்படுகின்றது.

BLOG COMMENTS POWERED BY DISQUS