கட்டுரைகள்
Typography

வருங்காலத்தில் நிலவில் மனிதர்கள் தங்கி விண்வெளி ஆய்வை முன்னெடுக்கும் வகையில் அங்கு குடியிருப்பு அமைக்க அமெரிக்காவும், சீனாவும் இணைந்து செயற்படவுள்ளன.

அதாவது அமெரிக்க விண்வெளி ஆய்வு மையமான நாசாவும், சீன தேசிய விண்வெளி ஆய்வு மையமும் இணைந்து இத்திட்டத்தை முன்னெடுக்கவுள்ளன.

ஜனவரி தொடக்கத்தில் சந்திரனின் மறுபக்கத்துக்கு முதன் முறையாக சீன விண்கலமான சாங்-இ4 வெற்றிகரமாகச் சென்று அதன் தரையில் ரோவர் வண்டியை இறக்கியது. மேலும் நிலவில் முதலாவது பருத்தி விதையும் வளர்க்கப் பட்டது. சீனாவின் இந்தச் செயற்பாடுகளை அடுத்து நிலவில் குடியிருப்பு அமைப்பது தொடர்பில் சீனத் தேசிய விண்வெளி ஆய்வு மையத்துடன் நாசா பேச்சுவார்த்தை நடத்தியுள்ளது. இதன் முதற் கட்டமாக 2020 தொடக்கத்தில் நிலவுக்கு நாசா தானியங்கி ரோபோவை அனுப்பவுள்ளது.

நிலவின் துருவப் பகுதிகளில் தண்ணீர் இருப்பதற்கான ஆதாரத்தை இந்தியாவின் இஸ்ரோ விண்வெளி ஆய்வு மையம் அனுப்பியிருந்த சந்திராயன் 1 விண்கலம் கண்டு பிடித்ததை அடுத்து அங்கு காலனி அமைப்பதற்கான திட்டம் சூடு பிடித்தது. ஆனால் இதற்குப் பிரதான தடையாக நிலவில் சுமார் 354 மணித்தியாலம் கிட்டத்தட்ட 2 கிழமைகள் இரவு நீடிக்கும் என்பதால் சூரிய வெளிச்சம் மூலம் தொடர்ச்சியாக மின்னை உற்பத்தி செய்வதில் சிக்கல் உள்ளது. 1959 ஆமாண்டு செப்டம்பர் 13 ஆம் திகதி நிலவுக்கு முதலாவது விண்கலமான Luna 2 சென்று அதன் தரையில் மோதியது. நிலவின் சுற்று வட்டத்தில் இணைந்த முதலாவது விண்கலம் Luna 10 ஆகும்.

1969 ஆமாண்டு ஜூலை மாதம் அப்போலோ 11 விண்கலத்தில் சென்று நிலவில் முதல் மனிதனாக நீல் ஆம்ஸ்ட்ரோங் கால் பதித்தார். இதையடுத்து கிட்டத்தட்ட 9 மனிதனைக் காவிச் சென்ற அப்போலோ செயற்திட்டங்களிலும் வெற்றிகரமாக அவர்கள் நிலவுக்குச் சென்று பூமிக்குத் திரும்பினர். இதன் போது பல்வேறு ஆய்வுகள் மேற்கொள்ளப் பட்டு நிலவில் இருந்து மண் மாதிரிகளும் கொண்டு வரப் பட்டன.

நிலவை ரஷ்யா, அமெரிக்கா, ஐரோப்பா, ஜப்பான், இந்தியா மற்றும் சீனா ஆகிய நாடுகளைச் சேர்ந்த விண்கலங்கள் இதுவரை ஆய்வு செய்துள்ளன என்பது குறிப்பிடத்தக்கது.

BLOG COMMENTS POWERED BY DISQUS

பகிர்வதற்கு

 

 

மின்னஞ்சலில் பதிவுகள்

மின்னஞ்சலில் பதிவுகள்