இந்திய சினிமாவின் எவரெஸ்ட் ஆகியிருக்கிறார் எஸ்.எஸ்.ராஜமவுலி. ‘இமையே… கொஞ்ச நேரம் சும்மாயிரு’ என்று இமைக்கிற போதெல்லாம் நம் கண்கள் மீது நமக்கே கோபம் வருகிறது. அப்படியொரு பிரமாண்டமும், அழகும் கொஞ்சி விளையாடுகிறது ஒவ்வொரு காட்சியிலும். போன பிறவியில் பேரரசனாகப் பிறந்த ஒருவனின் செல்களுக்குதான் இந்த வித்தை கை கூடும்! ஐயா…. ராஜமவுலி. நல்ல சோதிடன் கிடைத்தால் நீங்கள் யார்? என்று கேட்டுப் பாருங்கள். உலகையே வியக்க வைத்த உங்களையே வியக்க வைக்கலாம் அந்த சோதிடன்!

இயற்கையை வணங்குற கூட்டத்துக்கும், இயற்கையை சுரண்டுற கூட்டத்துக்கும் நடுவே நடக்கிற சண்டை சச்சரவுகள்தான் கடம்பன்! காடு, மரம், பனி, பட்டர் ப்ளை, தேன், தித்தித்திப்பு என்று மலைவாழ் மக்களின் வாழ்வாதாரத்தையும், வாழ்க்கை ஸ்டைலையும் சொல்லியிருக்கிறார்கள்.

பெற்றோர்களுக்காகவும், அதற்கப்புறம் பிள்ளைகளுக்காகவும் வாழும் மனிதா... நீ எப்போ உனக்காக வாழப்போற?” இந்த கேள்வியை காதலால் ஒத்தடம் கொடுத்து, தத்துவத்தால் தடவிக் கொடுத்து, யதார்த்தத்தால்  இதமாய் ஸ்பரிசித்து, தமிழ்சினிமாவில் யாராலும் மறக்க முடியாத ஒரு படத்தை கொடுத்திருக்கிறார் தனுஷ். இனி ‘டைரக்டர் தனுஷ்’ என்று நெஞ்சை நிமிர்த்திக் கொண்டு நடக்கலாம்!

நாயடி பேயடி என்கிற வார்த்தை, நாட்டுபுற மேடைகளில் சகஜம்! நிஜமாகவே ஒரு நாய் அடித்திருக்கிற பேயடிதான் படமே! தமிழ்சினிமா எத்தனையோ பேய் பிசாசுகளை பார்த்திருக்கிறது. பில்லி சூனிய ஆவிகளை கொண்டு பரவசப்படுத்தியிருக்கிறது. ஆனால் இடப்படத்தில் வருவதோ வெறும் மானுட ஆவியல்ல. அதையும் தாண்டி ஆங்காரமான ஒரு நாயின் ஆவி. அது ஒரு காருக்குள் போய் புகுந்து கொண்டால் அந்த கார் என்னாகும்? அந்த காருக்குள் பயணிக்கும் ஆட்கள் என்னாவார்கள்? அந்த காருக்கும், காருக்குள்ளிருக்கும் ஆவிக்கும் இந்த காரின் ஓனரம்மா மீது ஏன் இத்தனை பாசம்? இப்படி நிறைய நிறைய சிக்னல்களை தாண்டி நேர்த்தியாக டிரைவிங் பண்ணியிருக்கிறார் அறிமுக இயக்குனர் தாஸ் ராமசாமி. லொள் ஜொள் இல்லாத தில்லான புதுக்கதை.

நீராவியால் இஞ்சினை ஓட வைக்க முடியும்னா, நிஜ ஆவியால் படங்களை ஓட வைக்க முடியும் என்று சந்திரமுகியில் பேய் பார்முலா எழுதிய பி.வாசு, பல வருஷம் கழிச்சு அதே பார்முலாவை மீண்டும் எழுதியிருக்கிறார். அது முகி. இது லிங்கா! பெண் ஆவிக்கு கொடுத்த பில்டப், இங்கு ஆண் ஆவிக்கு வழங்கப்பட்டாலும், நெட், போல்ட்டெல்லாம் சேம்தான்!

சேனல் உலகத்தின் கோணல் மானல்கள்தான் கவண்! முன்னாள் பத்திரிகையாளர் கே.வி.ஆனந்த், ஏற்கனவே வாயார மனசார ருசித்த பாலை இன்னும் கொஞ்சம் சர்க்கரை ஏலக்காய் போட்டு உறிஞ்சி துப்பியிருக்கிறார். சேனல் முதலாளிகளே... முகத்தை துடைத்துக் கொள்ளுங்கள். இந்தப்படத்தின் கதை வசனத்தில் பங்கெடுத்திருக்கும் கபிலன் வைரமுத்துவும் ஒரு சேனலில் பணியாற்றியவர் என்ற விதத்தில், இண்டு இடுக்கு அழுக்குகளை கூட இழுத்து வந்து பந்தி பரப்பியிருப்பதால், இனி அவரவர் கையிலிருக்கிற ரிமோட்டிற்கும் உயிர் வரக்கூடும்!

‘பார்த்தா கடுகு. பாய்ஞ்சா எருது’! இந்த ரெண்டே வரிகளில் அடங்கிவிடுகிற ஒரு நீதிக்கதையை, நேர்த்தியாகவும் நிஜமாகவும் சொல்ல முயல்கிறார் விஜய் மில்டன்! கடுகுக்காக இவர் தேடிக் கொண்டு வந்த மனுஷன், அந்த கேரக்டருக்குள் அப்படியே அச்சு அசலாக பொருந்திவிடுவதே இப்படத்தின் முதல் சக்சஸ்.

More Articles ...

Most Read